కవల పిల్లలు హత్య కేసును ఛేదించిన పోలీసులు
కవల పిల్లలు హత్య కేసును ఛేదించిన పోలీసులు
కసాయి తండ్రి అరెస్ట్
తన భార్యపై అనుమానంతో పుట్టిన కవలపిల్లల లకు గుళికలు ను పాలలో కలిపి తండ్రే హత్య చేసినట్లు పోలీసులు కేసు దర్యాప్తులో తేల్చారు. గూడూరు డిఎస్పీ రాజగోపాల్ రెడ్డి మనుబోలు పోలీస్ స్టేషన్ లో విలేకరుల సమావేశం ఆదివారం నిర్వహించారు. జూన్ నెల 20 వ తేదీన మనుబోలు మండలం వీరంపల్లి పంచాయతి పరిధిలోని రాజవోలు పాడు చెందిన పుట్టా వెంకట రమణయ్య బాలయపల్లె మండలం వెంగమాంబాపురం నకు చెందిన నగిరిపాటి నాగ రత్నమ్మను ప్రేమించి పెద్దలను ఎదిరించి కసుమూరులో పెండ్లి చేసుకున్నాడు.మొదటి పెళ్లి గురించి చెప్పకుండా దాచిందని భార్య మోసము చేసిందని భావించి, పిల్లలు ఇద్దరినీ చంపి భార్య మీద ఆ నింద మోపితే ఎలాగైనా విడిపించుకోవచ్చని క్రూర పూరితంగా అలోచించి, పిల్లలు తాగే పాలలో గుళికలు మందు కలిపి త్రాగించి, ఎవరికీ అనుమానము రాకుండా, ఏమి తెలియనట్లుగా అందరితో కలిసి పిల్లలను హాస్పిటల్స్ కు తిప్పుతూ, చివరికి చనిపోయినట్లు తెలపడంతో, ఇద్దరు పిల్లలను స్వగ్రామమునకు తీసుకునివచ్చినాడు,ఏమి తెలియనట్లుగా అందరితో కలిసి పిల్లల వద్ద కూర్చుని ఏడ్చినట్లు నటించాడు.ఈ కేసు దర్యాప్తులో భాగంగా కేసు వివరములు కుణ్ణంగా పరిశీలించి తేది.17.07.2021 న మద్యాహ్నము సుమారు 4.00 గంటలకు ముద్దాయిని వీరంపల్లి రోడ్ జంక్షన్ వద్ద అదుపులోకి తీసుకుని పోలీసు స్టేషన్ కు తీసుకుని వచ్చి గూడూరు రూరల్ సి.ఐ శ్రీనివాసులు రెడ్డి మనుబోలు SI ముత్యాల రావు విచారణ చేపట్టారు. ముద్దాయి తన నేరాన్ని ఒప్పుకోవడంతో, ముద్దాయి ని 17.07.2021 న సాయంత్రం 5.30 గంటలకు మనుబోలు పోలీస్ స్టేషన్ నందు అరెస్ట్ చేయడమైనని పోలీసులు తెలిపారు.
ఈ కేసులో ముద్దాయిని అరెస్ట్ చేయుటలో కీలక పాత్ర పోషించిన గూడూరు రూరల్ సి ఐ పి. శ్రీనివాస రెడ్డి, మనుబోలు ఎస్ ఐ కె.ముత్యాలరావు, రాజు,నారయ్య, ఆదినారాయణ,విష్ణు,లాజర్ ల ను గూడూరు డి.యస్.పి. శ్రీ రాజగోపాల్ రెడ్డి అభినందించి, రివార్డులు అందజేసినాడు.
