Ravikiranalu TV

రాజీవ్ గాంధీ వర్ధంతి సందర్బంగా... నెల్లూరు లో

స్వర్గీయ శ్రీ రాజీవ్ గాంధి గారి వర్ధంతి సందర్బంగా నెల్లూరు పట్టణంలోని ఇందిర భవన్ లో జిల్లా కాంగ్రెస్ అధ్యక్షుడు శ్రీ చేవూరు దేవకుమార్ రెడ్డి గారి ఆధ్వర్యంలో జిల్లా కాంగ్రెస్ నాయకులు రాజీవ్ గారి చిత్ర పటానికి పూలమాల వేసి ఘన నివాళులు అర్పించారు. ఈ సందర్భంగా దేవకుమార్ రెడ్డి గారు మాట్లాడుతూ మన దేశానికి ఐటి రంగాన్ని, టెలికాం రంగాన్ని అభివృద్ధి చేసి దాని ఫలితాల్ని మనకి అందించిన ఘనత శ్రీ స్వర్గీయ రాజీవ్ గాంధీ గారిది.పంచాయతీలకు నిధులను నేరుగా అందించిన ఘనత శ్రీ రాజీవ్ గాంధి గారిది. యువతకు 18సంవత్సరాలకు ఓటు హక్కును కల్పించిన ఘనత కూడా ఆయనదే.అతి చిన్న వయసులోనే తన తల్లి హఠాత్మరణం తో మన దేశం కోసం ఆ బాధ్యతల్ని తన పై వేసుకొని ఆమె బాట లోనే పేద బడుగు బలహీన మైనారిటీ వర్గాల అభ్యున్నతి కోసం పాటుపడిన ఘనత రాజీవ్ గాంధీ గారిదే.ఆయన ఆశయాల సాధన కోసం మేము అంత కృషి చేస్తాం అని పేర్కొన్నారు. పై కార్యక్రమంలో నెల్లూరు జిల్లా కాంగ్రెస్ పార్టీ రూరల్ ఇంచార్జి ఉడతా వెంకట్రావు యాదవ్, కిసాన్ కాంగ్రెస్ అధ్యక్షులు ఏటూరు శ్రీనివాసులు రెడ్డి, బాల సుధాకర్, లతారెడ్డి, మోహన్ రెడ్డ్,హుస్సేన్ బాషా, మహేష్ రెడ్డి, సిటీ యూత్ కాంగ్రెస్ అధ్యక్షుడు పి. గణేష్ బాబు, రాజేష్ రెడ్డి, తదితరులు పాల్గొన్నారు.

న్యాయవాది ఇక లేరు

న్యాయవాది

జానకిరామయ్య

ఇక లేరు ❗

-----------------------------------------------

కావలిలో న్యాయవాద వృత్తిలో తనదంటూ ఒక ప్రత్యేక ముద్ర వేయించుకున్న ప్రముఖ న్యాయవాది వై జానకిరామయ్య 19 - 5 - 2020 వ తేదీ మృతి చెందారు . సివిల్ కేసులు వాదించడంలోనూ , ఆ కేసులు నెగ్గించడంలోనూ ఆయనకు ఆయనే సాటి . ఆయన వాదనలు చేసేటప్పుడు న్యాయమూర్తులు ఎంతో ఆసక్తితో వినేవారు . ముఖ్యంగా ఆయన న్యాయశాస్త్రంలోని కొన్ని సెక్షన్స్ కోడ్ చేస్తూ వినిపించే వాదనల్ని - తమ గురువు నేర్పే పాఠాలుగా జూనియర్ న్యాయవాదులు భావించే వారు . కావలిలో నేడు ప్రముఖంగా వున్న న్యాయవాదులు ఆయన దగ్గర శిష్యులు గా వున్న వారే . ఆయన వద్ద శిష్యులు గా ఉండి జడ్జిలుగా ఎంపికై ఉన్నతస్థానాల్లో పదవీ విరమణ చేసిన వారు కొందరున్నారు . ఆయనవద్ద మేము అసిస్టెంట్లు గా పనిచేస్తున్నామని చెప్పుకోడానికి కొందరు జూనియర్ లు గర్వపడేవారు .

ఆయనకు మరోలోకం తెలియదు . న్యాయవాదిగానే వృత్తి , ప్రవృత్తి అంతా . ఎప్పుడూ సుప్రీమ్ కోర్టు , హై కోర్టు జడ్జిమెంట్స్ ముందుపెట్టుకొని చదువుకొంటూ వుండేవారు . అంత గొప్ప చదువరి ఆయన .

1933 లో జన్మించిన జానకిరామయ్య 1954 లోనే న్యాయవాద వృత్తి చేపట్టారు . న్యాయవాదిగా పట్టా చేతబట్టుకొన్న జానకిరామయ్య తొలుత నెల్లూరులోని ప్రముఖ న్యాయవాది రామస్వామి దగ్గర

శిష్యులుగా చేరారు . 1955 లో కావలిలో సబ్ కోర్టు ఆవిర్భవించడంతో - గురువు రామస్వామి సలహామేరకు కావలి వచ్చి న్యాయవాదిగా ప్రాక్టీస్ మొదలు పెట్టాడు . 1954 నుండి 2019 వరకు దాదాపు 65 సంవత్సరాలు కావలిలో ఎదురు తిరుగు లేని న్యాయవాదిగా ఖ్యాతి గడించారు . కావలికి లభించిన ఆణిముత్యాల్లో జానకిరామయ్య కూడా ఒకరు . కుటుంబసభ్యుల వత్తిడితో ఏడాది క్రితం ఆయన బాధాతప్త హృదయంతో తన వృత్తికి విరామం పలికి విశ్రాంత జీవితంలోకి వెళ్లిపోయారు .

గత జనవరిలో జానకిరామయ్య భార్య రాజ్యలక్ష్మి మరణించింది . తనకు తోడూ నీడగా వెన్నంటి నడిచిన సతీమణి అకాల మరణాన్ని ఆయన జీవించుకోలేక పోయారు . భార్య లేదన్న వ్యధ ఆయన్ను బాగా క్రుంగదీసింది . ఆ దిగులుతోనే కాబోలు - భార్య చనిపోయిన 4 మాసాలకే జానకిరామయ్య తనువు చాలించారు . న్యాయవాదుల్లో ఒక లెజెండ్ గా కనిపించిన జానకిరామయ్య ఇక కనపడడు అన్న వార్త కావలి న్యాయవాదుల్లో , ప్రజల్లో శోకాన్ని నింపింది .

జానకిరామయ్య మృతి

కావలికి తీరని లోటు ❗

--------------------------------------

ప్రముఖ న్యాయవాది జానకిరామయ్య మృతిచెందాడన్న వార్త నన్నెంతో క్రుంగదీసిందని

సీనియర్ న్యాయవాది చింతాల వెంకట్రావు తన ఆవేదన వ్యక్తం చేశారు . న్యాయవాద వృత్తికి వన్నెతెచ్చిన మహనీయుడు జానకిరామయ్య అని చింతాల కొనియాడారు . కావలి ఒక గొప్ప వ్యక్తిని కోల్పోయిందన్నారు . ఆయన ఆత్మకు శాంతి చేకూరాలని కోరుకొంటూ , ఆయన కుటుంబీకులకు తన ప్రగాఢ సానుభూతి తెలిపారు .

న్యాయవాదులు కలీమ్ , బెల్లంకొండ వేణు మాధవ్ లు వేర్వేరుగా తమ ప్రకటనల్లో జానకిరామయ్య కు సంతాపాన్ని వెలిబుచ్చారు .

1977-82SSC బ్యాచ్ ఆధ్వర్యంలో పేదలకు నిత్యావసర సరుకులు ఎమ్మెల్యే మహీధర్ రెడ్డి ద్వారా....

సింగరాయకొండ టౌన్ లో, సాయంత్రం పెదపల్లెపాలెం లో జరిగిన కార్యక్రమాలు....1982SSC బ్యాచ్ పేదలకు నిత్యావసర సరుకులుఅందించారు... ఈ కార్యక్రమానికి అన్నలూరి వెంకటేశ్వర్లు, కరుణాకర్ రెడ్డి, సురేష్ (గాంధీ ), కొత్తమాసు శ్రీను, మసూద్, కృష్ణమూర్తి, లక్కంరాజు శ్రీనివాస రాజు, తిరుపతి రావు తో పాటు పలువురు ssc బ్యాచ్ మిత్రులు కలసి ఈ కార్యక్రమం చేసి పలువురు మన్నన పొందారు

సహకరించిన మరియు కార్యక్రమంలో ఉత్సాహం గా పాల్గొని విజయంతం చేసిన బాల్యమిత్రులందరికీ మన బ్యాచ్ తరపున అభినందనలు

పైలాన్ విధ్వంసం కు పథకరచన చేసిన జర్నలిస్టు ఎవరు❓

పైలాన్ విధ్వంసం కు
పథకరచన చేసిన
జర్నలిస్టు ఎవరు❓

🔸ఫ్లెక్సీ ఏర్పాటుపైనే
దర్యాప్తు అధికారుల దృష్టి ❗
-----------------------–----------–----–--
కావలిలో కేంద్ర ప్రభుత్వ నిధులతో
ఏర్పాటు చేసిన " పైలాన్ ( స్మారక చిహ్నం ) ఏప్రిల్ 11 వతేది అర్ధరాత్రి విధ్వంసం చేసిందెవరు ? అన్న అంశాన్ని ప్రధానంగా తీసుకొని పోలీసు అధికారులు దర్యాప్తు వేగవంతం చేసినట్లు తెలియవస్తుంది . వారి దర్యాప్తులో భాగంగా కొద్ది రోజుల క్రితం కొందరు జిల్లాలోని వివిధ శాఖలకు చెందన పోలీసు ఉన్నతాధికారులు - కావలి వచ్చి విచారణ ప్రారంభించినట్లు వార్తలు వినవస్తున్నాయి . తీగ లాగితే డొంక కదులుతుందన్న రీతిలో వారు సంఘటనా స్థలంలో కట్టిన ఫ్లెక్సీ వివరాలు గురించి దర్యాప్తు చేసినట్లు ప్రచారం సాగుతోంది .

▪️ముందురోజు పైలాన్ ప్రజలకు కనపడకుండా చేసి - సంఘటనా స్థలంలో పైలాన్ కు అడ్డంగా ఫ్లెక్సీ ఏర్పాటు చేసింది ఎవరు ?
▪️జిల్లా మేజిస్ట్రేట్ మరియు కలెక్టర్ అనుమతి లేకుండా వారి ఫోటో ఫ్లెక్సీ పై ముద్రించడానికి సాహసం చేసిన జర్నలిస్టులు ఎవరు ?
▪️సబ్ కలెక్టర్ చామకూరి శ్రీధర్ అలాగే కావలి డివిజనల్ పోలీసు అధికారి దేవరకొండ ప్రసాద్ , కావలి తహసీల్దార్ దగ్గుమాటి రామకృష్ణ , కావలిలో పనిచేస్తూ ఇటీవలే బదిలీ పై నరసరావుపేట వెళ్లిన మునిసిపల్ కమీషనర్ డాక్టర్ కే వెంకటేశ్వరరావు లు - తమ ఫోటోలు ఫ్లెక్సీ మీద ముద్రించుకోవచ్చునన్న అనుమతి ఇచ్చారా ?
▪️ప్రెస్ క్లబ్ భవన నిర్మాణ శంఖుస్థాపనకు విచ్చేయుచున్న అతిరథ మహారథులకు స్వాగతం .... సుస్వాగతమంటూ ఆహ్వానం పలికిన కావలి జర్నలిస్టులు ఎవరు ?
▪️ప్లెక్సీ రూపకల్పన చేసిన ఫ్లెక్సీ దుకాణం యజమాని ఎవరు ?
▪️ఫ్లెక్సీ తయారుచేయించిన వారి వద్ద నుండి అధికారుల అనుమతి పత్రాలు - ఫ్లెక్సీ తయారుచేసిన యజమాని తీసుకొన్నాడా ?
▪️ సబ్ కలెక్టర్ గాని - తహసీదారు గాని - అప్పటి మునిసిపల్ కమిషనర్ గాని ప్రెస్ క్లబ్ నిర్మాణం చేసుకోవచ్చని జర్నలిస్టులకు చట్టపరంగా రాజముద్ర వేసి ప్రభుత్వ స్థలాన్ని
" పట్టా " గా ఏమైనా ఇచ్చారా ?
▪️ కావలిలోని ఉన్నతాధికారుల్ని ముందురోజు ఏప్రిల్ 11 వతేది ప్రెస్ క్లబ్ శంఖుస్థాపన జరుగుతుందని ప్రత్యక్షంగా వెళ్లి ఆహ్వానించిన విలేకరి ఎవరు ? అతనితో వెళ్లిన జర్నలిస్టులు ఎవరు ?
▪️సంఘటనా స్థలంలో పోలీసు అధికారులు ఏర్పాటు చేసిన సీ సీ కెమెరాల్లో విధ్వంసక చర్య దృశ్యాలు కనిపించకుండా - వాటిని నిర్మూలించింది ఎవరు ? అసలు సూత్రధారి ఎవరు ?
▪️విధ్వంస చర్య జరిపించిన జర్నలిస్టు ఎవరు ? అతనికి సహకరించిన వారిలో జర్నలిస్టులు వున్నారా ?
▪️కావలి 1 వ పట్టణ 2 వ పట్టణ పోలీసు స్టేషన్లలో నేరచరిత్ర ఏఏ జర్నలిస్ట్ కు వుంది ? ఆ కేసుల వివరాలేంటి ?
▪️తెలుగుదేశం జిల్లా అధ్యక్షలు బీదా రవిచంద్ర కావలి వచ్చి పైలాన్ ధ్వంసం చేసిన వారిపై చర్యలు తీసుకోవాలని - ప్రెస్ మీట్ పెట్టి డిమాండ్ చేస్తే - దానికి ప్రతిగా బీదా రవిచంద్రను విమర్శిస్తూ ఒక విలేకరి ప్రెస్ మీట్ పెట్టడానికి కారణాలేంటి ? ఆ విలేకరే మొత్తం పైలాన్ ధ్వంసం ఎపిసోడ్ కు పాత్రధారా ?
▪️ ఆ ప్రెస్ మీట్ దృశ్యాలు యూ ట్యూబ్ లలో చిత్రీకరించి వాట్సాప్ లో పోస్ట్ చేసిన యూ ట్యూబ్ అధిపతులు ఎవరు ?

ఇలా పలు విధాలుగా నేర పరిశోధన విభాగం అధికారులు ఆరా తీసినట్లు తెలుస్తుంది .

జిల్లా నేర పరిశోధన విభాగం పోలీసు అధికారులు రహస్య దర్యాప్తు చేసిన విషయాలు అటుంచితే ......
ఈనెల 6 వతేది బుధవారం నెల్లూరు జిల్లా బీజేపీ అధ్యక్షుడు గుండ్లపల్లి భరత్ కుమార్ యాదవ్ కావలి రాక సందర్భంగా ఏర్పాటుచేసిన పత్రికా విలేకర్ల సమావేశం లో ఆయన పైలాన్ విధ్వసంపై చేసిన ఆరోపణలు కావలిలో తీవ్ర సంచలనం రేపాయి . పైలాన్ ధ్వంసం కేసును కొందరు అధికారులు ప్రక్కత్రోవ పట్టించే ప్రయత్నాలు చేస్తున్నట్లు ఆయన ఆరోపించడం రాజకీయ వర్గాల్లో చర్చనీయాంశం అయ్యింది . పైలాన్ ధ్వసం జరిగింది టూ టౌన్ పరిధిలో వున్నందున ఆ పోలీస్ స్టేషన్ లో విధులు నిర్వహించే సిఐ , ఎస్ఐ లపై చర్యలు గైకొని వారిని బలిపశువుల్ని చేసి చేతులు దులుపుకొనే ప్రయత్నాలు జరుగుతున్నట్లు ఆయన తన అనుమానాన్ని సమావేశంలో వ్యక్తం చేశారు . ఆయన వ్యక్తం చేసిన అనుమానం కొత్త కోణాన్ని ఆవిష్కరింప జేసింది . పోలీసు అధికారుల్లో అయితే తీవ్ర కలకలం రేపింది . కావలి పట్టణ ప్రజల్లోనూ కొత్త చర్చ మొదలయ్యేటట్లు చేసింది .

జిల్లా పోలీసు యంత్రాగం మాత్రం త్వరితగతిన ఈ కేసును ఛేదించే పనిలో నిమగ్నమై వున్నట్లు - ఇటీవల వారు కావలి వచ్చి జరిగిన విధ్వంస సంఘటన పై వివరాలు సేకరించడం చెప్పకనే చెబుతోంది .

పైలాన్ ధ్వంసం చర్యపై బీజీపీ , తెలుగుదేశం వత్తిళ్లే కాక - కేంద్ర ప్రభుత్వ వత్తిడికూడా వున్నట్లు బీజేపీ నాయకుడు భరత్ కుమార్ యాదవ్ చెప్పడాన్నిబట్టి తెలుస్తుంది . భారత ఉపరాష్ట్రపతి ముప్పవరపు వెంకయ్యనాయుడు కూడా పైలాన్ విధ్వంసక చర్యను గర్హిస్తూ - తగు చర్యలు వెంటనే గైకొనమని జిల్లా అధికారులను లిఖితపూర్వకంగా కోరినట్లు బీజేపీ నాయకులు చెబుతున్నారు . దీన్ని బట్టి ఉపరాష్ట్రపతి లేఖ వత్తిడి కూడా జిల్లా యంత్రాగం పై పెరిగినట్లు అనుకోవాల్సి వస్తుంది .

దళిత వైద్యుడు డాక్టర్ సుధాకర్ను చేతులు కట్టేసి లాఠీలతో కొట్టడం విచక్షణారహితం...మాజీ మంత్రి డాక్టర్ పరసారత్నం

విశాఖలో దళిత వైద్యుడు డాక్టర్ సుధాకర్ను చేతులు కట్టేసి లాఠీలతో కొట్టడం విచక్షణారహితంగా సభ్య సమాజం తలదించుకునే విధంగా ప్రవర్తించిన తీరు హీనమైన చర్య ఇది దళితులపైన వైద్య వృత్తి పై జరిగిన దాడి నిజంగా మనం ప్రజాస్వామ్యంలో ఉన్నామా లేదా ప్రజాస్వామ్యంలో ఉన్నామా లేదా ఫ్యాక్షనిస్ట్ పాలనలో ఉన్నామా అనే సందేహం కలుగుతుంది మాస్కులు ఇవ్వమని అడిగినందుకు సుధాకర్ సుధాకర్ ను సస్పెండ్ చేసినా ప్రభుత్వం ఎఫ్ఐఆర్ బుక్ చేసి ఇంత నీ జాతి నిజంగా ప్రవర్తించిన ఈ ప్రభుత్వంపై నిరసనగా ఈరోజు ఇంట్లోనే దీక్షా కార్యక్రమాన్ని కార్యక్రమం నిర్వహిస్తున్న

మాజీ మంత్రి డాక్టర్ పరసారత్నం సూళ్లూరుపేట నియోజకవర్గం ఇంచార్జ్.

బెంగళూరులో భూకంపం. రెండు ముక్కలుగా చీలిన భూమి

బెంగళూరులో భూమిలో పెద్ద శబ్దం
రెండు ముక్కలుగా చీలిన భూమి
భయాందోళనలో ఆ ప్రాంతవాసులు
ప్రపంచాన్ని పట్టిపీడిస్తున్న కరోనా మహమ్మారి.
విశాఖపట్నంలో గ్యాస్ లీకేజీ.
బెంగళూరులో భూకంపం.
ఇంకా ఏం ముంచుకొస్తుందో?

వేచి చూడాల్సిందే.

హోంగార్డు అరుణ్ పై దాడి

హోంగార్డు అరుణ్ పై దాడి
గూడూరు సర్కిల్ ఆఫీస్ లో హోమ్ గార్డ్ గా విధులు నిర్వహిస్తున్న గూడూరు రూరల్ మండలం ఇందూరు కు చెందిన కొవ్వూరు అరుణ్ కుమార్ పై అదే గ్రామానికి చెందిన గ్రామస్తులు దాడి చేశారు. కరోనా వైరస్ వ్యాప్తి నేపథ్యంలో రాత్రిపూట గుంపులుగా ఉండవద్దని హోంగార్డు అరుణ్ కుమార్ గ్రామస్తులను హెచ్చరించడంతో మాట మాట పెరిగి ఒక్కసారిగా అతనిపై దాడి చేశారు...
అరుణ్ కుమార్ కు తీవ్ర గాయాలు కావడంతో గూడూరు ఆసుపత్రిలో చికిత్స పొందుతున్నాడు. స్థానిక పోలీసులు కేసు నమోదు చేసుకొని దర్యాప్తు చేస్తున్నారు*