Ravikiranalu TV

జగనన్న పెండ్లి కానుకను సద్వినియోగం చేసుకోవాలి

సీమాంధ్ర బిసి సంక్షేమ సంఘం రాష్ట్ర అధ్యక్షులు ఉల్లిపాయల శంకరయ్య, జిల్లా కార్యదర్శి పెళ్ళూరు మునిరత్నం కుమారుని వివాహం సందర్బంగా గూడూరు రోటరీ క్లబ్‌ ఫంక్షన్‌ హాలుకు విచ్చేసి వధూవరులను ఆశీర్వదించారు. తదనంతరం ఆయన మాట్లాడుతూ రాష్ట్ర వ్యాప్తంగా ఎస్సీ, ఎస్టీ, బిసి లు జగనన్న పెళ్లికానుకను సద్వినియోగం చేసుకోవాలని అన్నారు. ప్రస్తుతం ఎస్సీ, ఎస్టీ లకు రూ.50000 వేలు బిసిలకు రూ.30000వేలు మాత్రమే ఉన్నందున ఏప్రిల్‌ 1వ తేది నుండి లక్ష రూపాయలు చేయుచున్నారని కనుక సద్వినియోగం చేసుకోవాలని అన్నారు. జగనన్న పథకాలు రాష్ట్ర ప్రజలకు ఎంతో మేలు జరుగుతుందని పరిపాలనా వికేంద్రీకరణ ద్వారా అన్ని ప్రాంతాల అభివృద్ది జరుగుతుందని తద్వారా ప్రాంతీయ విభేదాలు రావని అన్నారు. ఈ కార్యక్రమంలో టి.గంగాధరం, ఎన్‌.శీనయ్య, పి.సిద్దయ్య, కె.జయరామరాజు, ఎన్‌.వి.కృష్ణయ్య, సిహెచ్‌ హనుమంతరావు, ఏ.రామి, వై.అంకయ్య, తదితరులు పాల్గొన్నారు.

విద్యుత్ అధికారుల నిర్లక్ష్యం.. యువకుడి మృతి...

రాపూరు మండల పరిధిలోని మల్లమ్మ గుంట సమీపాన ఉన్న కొండేరు వాగు వద్ద 3 ఫేస్ విద్యుత్ తీగలు తెగి పడి ఉండటంతో.. అదే మార్గంలో పొలంలోకి వెళ్లి వస్తున్న దేవల్ల శ్రీనివాసులు(28) అనే యువకుడు విద్యుత్ తీగలు తగిలి అక్కడికక్కడే మృతి చెందిన సంఘటన ఆదివారం సాయంత్రం 5 గంటల 45 నిమిషాలు ప్రాంతంలో చోటు చేసుకుంది.. ఈ మేరకు సంఘటనా స్థలానికి చేరుకున్న స్థానికులు మృతదేహాన్ని కొండేరు గడ్డపైకి చేర్చారు. చేతికంది వచ్చిన కుమారుడు శ్రీనివాసులు విద్యుత్ షాక్ కాటు వేయడంతో తల్లిదండ్రులు వెంకటేశ్వర్లు.. లక్ష్మమ్మ.. కుటుంబ సభ్యులు కన్నీరు మున్నీరుగా విలపిస్తున్న దృశ్యం అందరిని కలచివేసింది

ఇంటింటికీ పింఛన్లు పంపిణీ

వైఎస్సాఆర్ పెన్షన్ కానుక కార్యక్రమంలో భాగంగా దేవరపాలెం గ్రామంలో ఇంటింటికీ తిరిగి పింఛన్లు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి అందజేసారు. గ్రామవాలంటీర్లతో కలిసి వెళ్లి, లబ్దిదారులను పరామర్శించి, ప్రభుత్వ పధకాలు అందుతున్నాయా లేదా అని అడిగి తెలుసుకున్నారు. ముఖ్యమంత్రి వై.ఎస్. జగన్ మోహన్ రెడ్డి పాదయాత్రలో ఇచ్చిన ప్రతి ఒక్క హామీని నెరవేర్చుకుంటూ ప్రజల మన్ననలు అందుకుంటున్నారని కోటంరెడ్డి గిరిధర్ రెడ్డి తెలియజేశారు.

శ్రీ శబరి శ్రీరామక్షేత్రం దేవస్థానంలో ట్రస్ట్ బోర్డు కమిటీ సభ్యుల ప్రమాణ స్వీకారం

శ్రీ శబరి శ్రీరామక్షేత్రం దేవస్థానంలో ట్రస్ట్ బోర్డు కమిటీ సభ్యుల ప్రమాణ స్వీకారానికి ముఖ్య అతిధులుగా ఇరిగేషన్ మంత్రి అనిల్ కుమార్ యాదవ్, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, విజయ డైరీ ఛైర్మెన్ కొండ్రెడ్డి రంగా రెడ్డి, జిల్లా యువజన విభాగం అధ్యక్షుడు రూప్ కుమార్ యాదవ్ మరియు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి హాజరైయ్యారు. నెల్లూరు జిల్లాలోనే త్వరితగతిన ఆలయాలకు ట్రస్ట్ బోర్డు కమిటీలను నిర్మించిన ఘనత రూరల్ ఎమ్మెల్యే కోటంరెడ్డి శ్రీధర్ రెడ్డి కే దక్కుతుందని ఇరిగేషన్ మంత్రి అనిల్ కుమార్ యాదవ్ అన్నారు. వై.ఎస్.ఆర్. కాంగ్రెస్ పార్టీ కోసం కష్టం చేసిన నాయకులు, కార్యకర్తలు మరియు ఆధ్యాత్మిక భావన కలిగిన వారికే శ్రీ శబరి శ్రీరామక్షేత్రం దేవస్థానం ట్రస్ట్ బోర్డు కమిటీ లో చోటు కల్పించామని రూరల్ ఎమ్మెల్యే కోటంరెడ్డి శ్రీధర్ రెడ్డి తెలిపారు.సామాన్య భక్తులకు ఎటువంటి ఇబ్బందులు లేకుండా చూడాలని నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి కమిటీ సభ్యులకు సూచించారు.

పార్టీ ని మరింత బలోపేతం చేయాలి

కార్యకర్తల ఇబ్బందిని తమ ఇబ్బందిగా భావించి వారికి సహకరించడం ద్వారా పార్టీ ని మరింత బలోపేతం చేయాలి,.....

లీగల్ సెల్ సమావేశం లో మనుక్రాంత్

జనసేనపార్టీ నెల్లూరుజిల్లా లీగల్సెల్ సమావేశం

నెల్లూరు జిల్లా జనసేన లీగల్ సెల్ ఇంచార్జ్ చదలవాడ రాజేష్ ఆధ్వర్యంలో రాష్ట్ర అధికార ప్రతినిధి చెన్నారెడ్డి మనుక్రాంత్ ఏర్పాటుచేసిన సమావేశంలో పలువురు లాయర్లు పాల్గొన్నారు. ఈ సందర్భంగా లీగల్ సెల్ సభ్యులు మాట్లాడుతూ పార్టీ తరఫున సమస్యలను తాము అండగా ఉంటామని జిల్లా పార్టీ కార్యాలయంలో ప్రతి శని ఆదివారం కొంత సమయాన్ని వెచ్చించి జనసేన కార్యకర్తలకు అవసరమైన న్యాయ పరమైన సహాయం ను అందించి వారికి భరోసా ఉంటామని హామీ ఇచ్చారు. చెన్నారెడ్డి మనుక్రాంత్ మాట్లాడుతూ లీగల్ కమిటీ సమావేశం లో ఇంతమంది లాయర్లు స్వచ్ఛందంగా పాల్గొనడం ఆనందంగా ఉందని మేము కూడా న్యాయవాది కుటుంబం నుంచి వచ్చినందున అందరం సుపరిచితులమేనని ని నేడు ప్రభుత్వ విధి విధానాలను ప్రజలు విసిగిపోయి ఉన్నారని న్యాయవాదులు సహాయ సహకారాలు అందించి సామాన్యుడి కి అందుబాటులో ఉండే జనసేన పార్టీ ని, పవన్ కళ్యాణ్ ని అధికారంలోకి తేవాలని తెలిపారు నిజాయితీగా కష్టపడే కార్యకర్తలకు న్యాయం సహకారం అందించడం ద్వారా, మండల కమిటీ లో న్యాయవాదులకు స్థానం కల్పించడం ద్వారా, కార్యకర్తల ఇబ్బందిని తమ ఇబ్బందిగా భావించి వారికి సహకరించడం ద్వారా పార్టీని మరింత బలోపేతం చేయాలని ఈ సందర్భంగా ఆయన పిలుపునిచ్చారు ఈ కార్యక్రమంలో న్యాయవాదులు చిరంజీవి ,వెంకటేశ్వర్లు, రావు, గురుకుమార్, శరత్, పలువురు న్యాయవాదులు పాల్గొన్నారు

శాసనసభ్యులు చేసిన ఆరోపణలు పై ఏమి సమాధానం చెపుతారు - చేజర్ల

ఇసుక,గ్రావెల్ అక్రమ రవాణాను అధికారపార్టీ శాసనసభ్యులే పట్టిస్తానన్న ప్రభుత్వం ఎందుకు చర్యలు తీసుకోవడం లేదు

ప్రసన్నకుమార్ రెడ్డి మాటలతో ఇది అసమర్ధ ప్రభుత్వం అని తేలిపోయింది

టీడీపీ చేసిన ఆరోపణలను అబద్ధమని బుకాయించిన వైసీపీ నాయకులు సొంత పార్టీ

జిల్లాలో యధేచ్చగా ఇసుక,గ్రావెల్ అక్రమ రవాణా జరుగుతుందని తెలుగుదేశం పార్టీ ఎప్పటినుండో చెపుతున్నదని అది నిజమని నిన్న అధికారపార్టీ శాసనసభ్యుల మాటలతో రుజువైందని జిల్లా తెలుగుదేశం పార్టీ ప్రధానకార్యదర్శి చేజర్ల వెంకటేశ్వర రెడ్డి అన్నారు. కోవూరు తెలుగుదేశం పార్టీ కార్యాలయములో ఏర్పాటు చేసిన పత్రికా విలేఖరుల సమావేశంలో ఆయన మాట్లాడుతూ వైసీపీ అధికారంలోకి వచ్చినప్పటి నుండి జిల్లాలో ఇసుక అక్రమ రవాణా జరుగుతుందని,సామాన్యులకు మాత్రం ఇసుక దొరకడం లేదని,వైసీపీ నాయకులు కనుసన్నల్లో ఇసుక సరిహద్దులు దాటుతుందని తెలుగుదేశం పార్టీ అనేకసార్లు చెప్పినప్పటికీ ప్రభుత్వం పట్టించుకోక పోగా, తెలుగుదేశం పార్టీ చెప్పేవన్నీ అబద్ధాలే అని వైసీపీ నాయకులు బుకాయించారని ,నిన్న నెల్లూరు లో జరిగిన మంత్రుల సమీక్షా సమావేశంలో కోవూరు శాసనసభ్యుడు శ్రీ నల్లపురెడ్డి ప్రసన్నకుమార్ రెడ్డి మాట్లాడుతూ జిల్లాలో ఇసుక,మట్టి యధేచ్చగా అక్రమ రవాణా జరుగుతుందని,నాతోటి ఎవరైనా వస్తే నేనె పట్టిస్తానని చెప్పారని దీనితో టీడీపీ చేసిన ఆరోపణలు అన్ని నిజనని నిర్ధాన అయిందని ,నిన్న ప్రసన్నకుమార్ రెడ్డి గారి మాటలతో వై యెస్ జగన్మోహన్ రెడ్డి గారి పాలనలో అవనీతి, అక్రమాలు ఏవిధంగా జరుగుతున్నాయో అందరికి అర్ధమైందని, గతములో వైసీపీ సీనియర్ శాసనసభ్యులు శ్రీ ఆనం రామనారాయణ రెడ్డి గారు,శ్రీ కాకని గోవర్ధన్ రెడ్డి గారు కూడా జిల్లాలో మైనింగ్ మాఫియా రాజ్యమేలుతుందని అన్నారని,జిల్లాలో ఇసుక,గ్రావెల్ అక్రమ రవాణా గురించి అధికార పార్టీ శాసనసభ్యులే మాట్లాడుతున్న ప్రభుత్వం చర్యలు తీసుకోక పోవడానికి కారణం ప్రభుత్వం లోని పెద్దల సహకారం తోనే ఈ ఇసుక,మట్టి అక్రమ రవాణా జరుగుతుండమేనని, ముఖ్యమంత్రి గారికి ఏమాత్రం చిత్తశుద్ధి ఉన్న నెల్లూరు జిల్లాలో జరుగుతున్న ఇసుక,గ్రావెల్ అక్రమ రవాణా పై సమగ్ర విచారణ జరిపి అక్రమార్కుల పైన కఠిన చర్యలు తీసుకోవాలని, అదేవిధంగా కోవూరు నియోజకవర్గము నుండి అక్రమంగా రవాణా అవుతున్న ఇసుక గురించి కూడా ప్రసన్నకుమార్ రెడ్డి గారు మాట్లాడిఉంటే బాగుండేదని,అదేవిధంగా కావలి శాసనసభ్యులు శ్రీ రామిరెడ్డి ప్రతాప్ కుమార్ రెడ్డి గారు పెద్ద మనసు చేసుకొని గ్రావెల్ ఇస్తే నేను కోవూరు నుండి నేను ఇసుక ఇస్తానని ప్రసన్నకుమార్ రెడ్డి గారు అన్నారని దీనిని బట్టి అధికారపార్టీ శాసనసభ్యుల కనుసన్నల్లోనే ఇసుక,గ్రావెల్ నడుస్తున్నాయని అర్ధమవుతుందని ,అధికార పార్టీ శాసనసభ్యులు కను సన్నలలోనే ఇసుక, గ్రావెల్ అక్రమ రవాణా జరుగుతుందని మరలా వారే ఆరోపణలు చేసి డ్రామాలు ఆడుతున్నారని అన్నారు ఈ సమావేశంలో తెలుగుదేశం పార్టీ నాయకులు శివుని రమణారెడ్డి, కావలి ఓంకార్,కలువాయి చెన్నకృష్ణా రెడ్డి,పూల వెంకటేశ్వర్లు,నిరంజన్ రెడ్డి, అగ్గి మురళి,ఇంటూరు విజయ్ తదితరులు పాల్గొన్నారు

పదవి విరమణ చేస్తున్న పోలీసు అధికారులకు ఆత్మీయ వీడ్కోలు

- మీరు 40 సంవత్సరాలు ప్రజలకు సేవ చేయడం చాలా సంతోషంగా ఉంది - అడిషనల్ యస్పి

- మీ రిటైర్మెంట్ లైఫ్ కూడా బాగుండాలని కోరుకుంటున్నా - అడిషనల్ యస్పి (క్రైమ్స్)

- మా సర్వీస్ అంతా ఒక కలలా జరిగిపోయింది, పదవీ విరమణ రోజే అన్నీ రిటైర్మెంట్ బెన్ఫిట్స్ అందించినందుకు ధన్యవాదాలు

శనివారం ఉమేష్ చంద్ర కాన్ఫరెన్స్ హాల్ నందు ఉద్యోగ విరమణ పొందిన పోలీస్ సిబ్బంది మొత్తము నలుగురు (1) యస్.ఐ. యం.గంగాధర్, (2) యస్.ఐ. కె.చిట్టి బాబు, పిసిఆర్‌, (3) ఏఎస్‌ఐ- ఎమ్‌డి.అజంతుల్లా ఖాన్, అనంత సాగరం, (4) ఏఆర్‌ఎస్‌ఐ- ఎస్‌డి.మహబూబ్ బాషా, డిఏఆర్‌ ను జిల్లా అడిషనల్ యస్.పి (అడ్మిన్) పి.వెంకటరత్నం, అడిషనల్ యస్.పి.(క్రైమ్స్) పి.మనోహర్ రావు, ఇతర అధికారులు, పోలీసు అసోసియేషన్ సంఘ సభ్యులు, పోలీసు కుటుంబాల సమక్షంలో ఘనముగా సన్మానం చేసి జ్ఞాపికతో మరియు పూలమాలలతో సత్కరించడం జరిగినది.ఈ కార్యక్రమంలో అడిషనల్ యస్పి(అడ్మిన్) మాట్లాడుతూ ఆరోగ్యం కాపాడుకోవాలని, మీరంతా 40 సంవత్సరాలు వరకు సర్వీస్ చేసారు చాలా సంతోషంగా ఉందని, పదవీ విరమణ రోజే అన్నీ రిటైర్మెంట్ బెన్ఫిట్స్ అందిందాము, మిగిలినవి త్వరలోనే అందిస్తామని, పదవీ విరమణ చేయుచున్న వారంతా నా తల్లిదండ్రులతో సమానం అని, మనమంతా కూడా ఒకే పోలీసు కుటుంబమని తెలిపారు. ఈ రోజు పదవీ విరమణ పొందిన అధికారులు అందరూ ఎప్పుడైనా ఎలాంటి అవసరం వచ్చినా, అన్నీ విధాలా సహాయ సహకారాలు అందిస్తామని హామీ ఇచ్చారు. ఈ సందర్బంగా అడిషనల్ యస్.పి.(క్రైమ్స్) మాట్లాడుతూ మీ రిటైర్మెంట్ లైఫ్ కూడా సంతోషంగా గడపాలని, కుటుంబ సభ్యులు ఈ రోజు నుండి వారి తల్లిదండ్రులను అన్ని విధాలా ఆదరిస్తూ, ప్రేమతో చూసుకోవాలని తెలిపారు. అనంతరం పదవీ విరమణ అధికారులు మాట్లాడుతూ మా సర్వీసు అంతా ఇప్పుడు చూస్తుంటే ఒక కలలా ఉందని, సమయానికి విధులకు వచ్చి, పై అధికారుల ఆదేశాలు పాటిస్తే అందరికీ అలాగే ఉంటుందని తెలిపారు. అధికారులందరూ కలిసి పదవీ విరమణ పొందిన వారిని పోలీస్ బ్యాండ్ వాయిద్యాల మధ్య స్వయంగా కుటుంబ సభ్యులందరినీ వారి ఇంటి వద్ద క్షేమంగా చేర్చుటకు వాహనాలు ఎక్కించి ఘనంగా వీడ్కోలు పలికారు.ఉద్యోగ విరమణ పొందిన అధికారులకు నెల్లూరు జిల్లా పోలీస్ సిబ్బంది అందరి తరపున ప్రత్యేకమైన ధన్యవాదాలు, శుభాకాంక్షలను ఏఓ, మహిళా పి.యస్. ఎ.ఆర్. డిఎస్పి తెలియపర్చినారు. ఈ కార్యక్రమానికి పోలీసు అసోసియేషన్ సంఘ అద్యక్షులు మద్దిపాటి ప్రసాద్ రావు అధ్యక్షత వహించగా, ఆర్‌ఐ వెల్ఫేర్, పదవీ విరమణ పొందుతున్న అధికారుల కొడుకులు-కుమార్తెలు ఉన్నత ఉద్యోగాలలో ఉండడం సంతోషకరమైన విషయమని, వీరి జీవితం ఆనందమయంగా సాగిపోవాలని ఆకాంక్షిస్తూ శుభాకాంక్షలు అందజేశారు.