Ravikiranalu TV

సినీహీరో సుమన్‌ను ఘనంగా సన్మానించిన గౌడ సంఘం సభ్యులు

సినీ హీరో సుమన్ గౌడ్ తల్వార్ ని నెల్లూరులో గౌడ కల్లుగీత పారిశ్రామికుల సంఘం అధ్యక్షులు కోసూరు గోవిందయ్య గౌడ్ ఆదేశాల మేరకు మర్యాదపూర్వకంగా కలవడం జరిగింది. ఈ కార్యక్రమంలో గౌడ యువత అధ్యక్షులు జడపల్లి దయాకర్ గౌడ్, యువత కోశాధికారి కుడుముల ఋషేంద్ర గౌడ్, కావలి డివిజన్ అధ్యక్షులు పంది పెనుగొండ గౌడ్, జంపని వంశీ గౌడ్, యువత కార్యదర్శి దాసరి హరికృష్ణ గౌడ్, ఊడ నరసింహ గౌడ్, ఉప్పల శ్రీనివాస్ గౌడ్, కుడుముల మహేంద్ర గౌడ్, మొదలగు గౌడ సోదరులు పాల్గొని సుమన్ గౌడ్ తల్వార్ ని ఘనంగా సత్కరించడం జరిగినది.

స్థానిక సమస్యలను పరిష్కరించాలి

నెల్లూరు నగరంలోని 50వ డివిజన్ ఉప్పరపాళెం, పొర్లుకట్ట, పినాకిని పార్కు, మాగుంట నగర్ ప్రాంతాలలో రాష్ట్ర జలవనరుల శాఖ మంత్రి డాక్టర్ పి. అనిల్ కుమార్ అధికారులతో కలిసి పర్యటించి స్థానిక సమస్యలను అడిగి తెలుసుకొని, వెంటనే సమస్యలను పరిష్కరించాలని అధికారులకు సూచించారు. ఈ కార్యక్రమంలో వై.ఎస్.ఆర్.సి.పి. నాయకులు కొణిదల సుధీర్, వందవాశి రంగా, శ్రీనివాసరావు, కదిర్ ఖాన్, నాని, రమేష్, సునీల్ రెడ్డి, గంధం సునీల్, మహేంద్ర, రంగా, శౌరి, మస్తాన్, ఎస్.కే. మున్నా, ప్రభాకర్, పెంచలయ్య, బిందు, రాఘవేంద్ర, ఆర్.ఉదయ్ కుమార్, తదితరులు పాల్గొన్నారు.

కామన్ మెన్ ప్రొటెక్షన్ ఫెడరేషన్ కు సిల్వర్ మెడల్...

నెల్లూరులో గల స్వర్ణ వేదిక నందు శివాజీ యూత్ ఫౌండేషన్ ఆధ్వర్యంలో చత్రపతి అవార్డు 2020 కార్యక్రమం జరిగినది. ఈ కార్యక్రమంలో రాష్ట్రస్థాయిలో రక్తదాన ఉద్యమకారులకు, రక్త దాతలకు మరియు మోటివేటర్ లకు అవార్డు ప్రధానోత్సవం కార్యక్రమం జరిగినది. ఈ కార్యక్రమానికి ముఖ్యఅతిథిగా ప్రముఖ సిని నటుడు సుమన్ తల్వార్ పాల్గొన్నారు. కామన్ మెన్ ప్రొటెక్షన్ ఫెడరేషన్ రాష్ట్ర వ్యాప్తంగా అనేక రక్తదాన శిబిరాలను నిర్వహించి ద్వితీయ స్థానంలో నిలిచింది .ఈ కార్యక్రమంలో కామన్ మెన్ ప్రొటెక్షన్ ఫెడరేషన్ రాష్ట్ర అధ్యక్షులు శ్రీ కోడివాక చందు సినీ నటుడు సుమన్ చేతుల మీదుగా సిల్వర్ మెడల్ అందుకున్నారు.. ఈ కార్యక్రమంలో శివాజీ యూత్ పౌండేషన్ చైర్మన్ భాస్కర్ నాయుడు గారు, అమరావతి కృష్ణారెడ్డి , నీడ్స్ బ్లడ్ బ్యాంక్ చైర్మన్ శ్రీధర్ మరియు కామన్ మెన్ ప్రొటెక్షన్ ఫెడరేషన్ సభ్యులు వెంకటాద్రి, రమేష్ కళ్యాణ్, శ్రీవేంద్ర మొదలగు సభ్యులు పాల్గొన్నారు

హైదరాబాద్ టూ తిరుపతి: తెలుగు రాష్ట్రాల్లో తేజస్

ప్రయాణికు రద్దీని దృష్టిలో పెట్టుకుని రైల్వే శాఖ ఇటీవల దేశవ్యాప్తంగా ఉన్న 100 మార్గాల్లో 150 ప్రైవేటు రైళ్లను నడిపించేందుకు సిద్ధమైన విషయం తెలిసిందే. ఇందులో భాగంగానే మొదటి ప్రయివేటు రైలును తెలుగు రాష్ట్రాల్లో పరుగులు పెట్టించనుంది. హైదరాబాద్ పరిధిలోని లింగంపల్లి నుంచి తిరుపతి మధ్య రైలును నడిపించనుంది. ప్రస్తుతం హైదరాబాద్ నుంచి తిరుపతి మధ్య వెంకటాద్రి, నారాయణాద్రి, పద్మావతి, రాయలసీమ ఎక్స్ ప్రెస్, కృష్ణా ఎక్స్ ప్రెస్, శబరి ఎక్స్ ప్రెస్ ఇలా మొత్తం 8 రైళ్లు నడుస్తున్నాయి. కాగా ఈ రైళ్లలో ఎప్పటికప్పుడు రద్దీ పెరిగిపోతుండడంతో ప్రయివేటు వాహనాల ద్వారా, బస్సుల ద్వారా తిరుపతికి ప్రయాణం చేస్తున్నారు భక్తులు.అంతే కాక కొన్ని సందర్బాల్లో సాధారణ రైల్లతో పాటు ప్రత్యేక రైళ్లను కూడా రైల్వేశాఖ నడిపిస్తుంది. ఈ నేపథ్యంలోనే మరో కొత్త ప్రయివేటు రైలును తిరుపతికి నడిపించనున్నారు. ఇందులో భాగంగానే ఐదు నెలల క్రితం న్యూఢిల్లీ నుంచి లక్నో మధ్య, ముంబై నుంచి అహ్మదాబాద్ మధ్య ప్రారంభం అయి ఎంతో ఫేమస్ అయిన తేజస్ రైలును లింగంపల్లి నుంచి తిరుపతికి నడిపించనున్నారు. ఇకపోతే దక్షిణ మధ్య రైల్వే పరిధిలో మొత్తం 11 ప్రైవేటు రైళ్లకు అనుమతి లభించగా అందులో మొదటి టెండర్ తిరుపతికి ప్రయాణించే రైలుకు ఇవ్వాలని అధికారులు నిర్ణయించినట్టు తెలిపారు.అతి త్వరలో ఇండోర్ నుంచి వారణాసి మధ్య కూడా తేజస్ నడవనుంది. ఈ రైళ్లలో సీట్లు నిండుతున్న కొద్దీ ధర పెరుగుతూ ఉంటుంది. కానీ ఏదైనా కారణం వలన ఈ రైలు గమ్యాన్ని చేరడానికి ఆలస్యం జరిగితే ఐఆర్ సీటీసీ ప్రయాణికులకు నుంచి ప్రయాణికులకు రూ. 250 వరకూ పరిహారం లభిస్తుంది. ఇప్పటికే ఈ తేజస్ రైలు రెండుసార్లు ప్రయాణికులకు పరిహారాన్ని చెల్లించింది. ఈ నేపథ్యంలో ఐఆర్సీటీసీపై భారాన్ని తొలగించేందుకు ప్రైవేటు రైళ్లు వస్తుంటే, మిగతా రైళ్లను మరింత ఆలస్యంగా నడిపిస్తున్నారన్న విమర్శలు వస్తున్నాయి.

సిసి రోడ్లు, సిసి డ్రైన్ నిర్మాణ పనులకు శంకుస్థాపన

నెల్లూరు, పిబ్రవరి 15, (రవికిరణాలు) : నెల్లూరు రూరల్ నియోజకవర్గ పరిధిలోని 38వ డివిజన్ పరమేశ్వరి అవెన్యూలో 33లక్షల వ్యయంతో సి.సి రోడ్లు, సి.సి. డ్రైన్ నిర్మాణ పనులకు నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి శంకుస్థాపన చేశారు.నెల్లూరు రూరల్ నియోజకవర్గానికి 145 కోట్ల రూపాయలతో అభివృద్ధి పనులకు శ్రీకారం చుట్టామని కోటంరెడ్డి గిరిధర్ రెడ్డి అన్నారు.ప్రజా ప్రభుత్వం అధికారంలోకి వచ్చిన తరువాత ప్రజా సమస్యల పరిష్కారం కోసం శక్తికి మించి కృషి చేస్తున్నామని నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి తెలియజేశారు.

ఇ-ఆఫీస్ పై పోలీస్ అధికారులకు వర్క్ షాప్ నిర్వహణ

నెల్లూరు టౌస్, గూడూరు, కావలి, ఆత్మకూరు, యస్.బి. విభాగాల అధికారులకు శిక్షణ

ఎస్సై నుండి డిఎస్పి స్థాయి వరకు 60 మంది అధికారులు హాజరు

నెల్లూరు, పిబ్రవరి 15, (రవికిరణాలు) : శనివారం జిల్లా పోలీసు కార్యాలయం నందు జిల్లా యస్పి భాస్కర్ భూషణ్ ఆదేశాల మేరకు ఐ.టి. కోర్ టీం వారి ఆద్వర్యంలో ఎన్‌ఐసి డిపార్ట్మెంట్ సిబ్బందిచే ఇ-ఆఫీస్ పై పోలీసు అధికారులకు రెండవ రోజు శిక్షణ ఇవ్వడమైనది. ఈ రోజు నెల్లూరు టౌన్, గూడూరు, కావలి, ఆత్మకూరు, ట్రాఫిక్, యస్.బి. విభాగాల అధికారులకు నిర్వహించడం జరిగింది.ఇ-ఆఫీస్ వినియోగించడం ద్వారా కాగితం, సమయం, డబ్బు ఆదా చేయడంతో పాటు మెరుగైన ఉత్పాదకత, డేటా భద్రత, సమగ్రతకు హామీ, పారదర్శకత, జవాబుదారీతనం ఉంటుందని ఎన్‌ఐసి శిక్షణా సిబ్బంది తెలిపారు. ఇ-ఫైల్ అప్లికేషన్ వాడకంలో నైపుణ్యం, లక్షణాల గురించి అవగాహన, మరింత సమర్థవంతంగా పనిచేయడానికి చిట్కాలు మరియు సమస్యలు వస్తే పరిష్కరించుకోవడం కోసం మార్గాలు, పోలీస్ డిపార్టుమెంటులో లీవ్స్, మెమోలు, జనరల్ అర్జీలు, ఎమ్‌సిఆర్‌ వంటివి పై అధికారులకు పంపే విధానం, అధికారుల అందరిచే ప్రాక్టీస్ చేయించి, సందేహాలను నివృత్తి చేయడం జరిగింది. ఈ కార్యక్రమంలో నెల్లూరు ఎన్‌ఐసి శిక్షణా సిబ్బంది, నెల్లూరు టౌన్, గూడూరు, కావలి, ఆత్మకూరు, ట్రాఫిక్, ప్రొబేషనరీ డియస్పి, యస్.బి., అన్ని విభాగాల సిఐ లు, ఎస్‌ఐ లు, ఐ.టి. కోర్ టీం ఇంచార్జ్ ఏఎస్‌ఐ వారి సిబ్బంది పాల్గొన్నారు.

మూడు రాజధానులు విషయంలో వెన్నక్కి తగ్గేది లేదు..!

దిశ చట్టంతో మహిళలకు అండగా నిలుస్తున్న రాష్ట్ర ప్రభుత్వం..!

దేశంలో ఆదర్శ రాష్ట్రంగా ఆంద్రప్రదేశ్..

కోటలో మీడియా సమావేశంలో మాట్లాడిన నల్లపరెడ్డి ప్రసన్నకుమార్ రెడ్డి..!

రాష్ట్రంలో వైకాపా ప్రభుత్వం తీసుకొస్తున్న ఎన్నో ప్రజా సంక్షేమ పథకాలపై అసత్యాలు ఆరోపణలు చేస్తున్న తెలుగుదేశం పార్టీ పతనం దగ్గర పడిందని కొవ్వూరు ఎమ్మెల్యే నల్లపరెడ్డి ప్రసన్నకుమార్ రెడ్డి అన్నారు.. కోటలో శ్రీ లక్షమ్మ గిరిజన కాలనీ జరిగిన శ్రీ వెంకటేశ్వర స్వామి దేవాలయ కుంభాభిషేకాల్లో పాల్గొన్న ఆయన విలేకరులతో మాట్లాడారు..రాష్ట్రంలో అక్కాచెల్లెమ్మల భద్రతకు ముఖ్యమంత్రి వైఎస్‌ జగన్‌మోహన్‌రెడ్డి అధిక ప్రాధాన్యనిస్తూ ‘దిశ’ చట్టాన్ని అమల్లోకి తెచ్చేందుకు శాసనసభలో తీర్మానం చేశారన్నారు. దిశ పోలీసు స్టేషన్లు, దిశ ప్రత్యేక న్యాయస్థానాల ఏర్పాటుకు ప్రభుత్వం చర్యలు చేపట్టిందన్నారు, ఈక్రమంలో ప్రభుత్వం తీసుకొచ్చిన దిశ ఎస్‌ఓఎస్‌ యాప్ ద్వారా రక్షణ కోరిన ప్రభుత్వ మహిళా అధికారికి పోలీసులు అండగా నిలిచి ఆమెను వేధింపులకు గురిచేసిన ఓ వ్యక్తి చార్జిషీట్‌ను(అభియోగ పత్రం) కేవలం 24 గంటల్లోనే ఎక్సైజ్‌ కోర్టులో దాఖలు చేయడం గమనార్హమన్నారు. ఈ నెల 9న అందుబాటులోకి వచ్చిన ఈ యాప్‌ను మూడు రోజుల్లోనే 35 వేల మంది డౌన్‌లోడ్‌ చేసుకోవడం విశేషమన్నారు. మూడు రాజధానుల విషయంలో చంద్రబాబు ప్రజలను తప్పుదోవ పట్టిస్తున్నారని, దేశంలో ఏ ముఖ్యమంత్రి చేయని విధంగా సంక్షేమ కార్యక్రమాలను సీఎం జగన్‌ అమలు చేశారన్నారు. పేద పిల్లల కోసం ప్రభుత్వ పాఠశాలల్లో అంగ్ల విద్యను. అమలు చేస్తున్న గొప్ప నేత సీఎం జగన్‌ అన్నారు. అందులో భాగంగా ఈ నెల 24న విజయనగరం జిల్లాలో ‘జగనన్న వసతి దీవెన’ పథకాన్ని రాష్ట్ర వ్యాప్తంగా ప్రారంభించనున్నారని తెలిపారు..ఈ సమావేశంలో నల్లపరెడ్డి జగదీష్ రెడ్డి, రంజిత్ రెడ్డి, మొబీన్ బాషా, చిల్లకూరు సాయి ప్రసాద్ రెడ్డి ఉన్నారు..