Ravikiranalu TV

అర్ధరాత్రి ఏపీ ప్రభుత్వం సంచలన నిర్ణయం

అమరావతి: అర్ధరాత్రి ఏపీ ప్రభుత్వం సంచలన నిర్ణయం తీసుకుంది. పాలనా వికేంద్రీకరణను అధికారికంగా ఏపీ ప్రభుత్వం ప్రారంభించింది. పాక్షిక న్యాయ విభాగమైన విజిలెన్స్ కమిషన్, కమిషనరేట్ ఆఫ్ ఎంక్వైరీస్ చైర్మన్ సభ్యుల ఆఫీస్‌లను కర్నూలుకు తరలిస్తున్నట్లు ఏపీ కీలక నిర్ణయం తీసుకుంది. ఇప్పటి వరకు ఈ విభాగాలన్ని వెలగపూడి సచివాలయంలో ఉండగా ప్రభుత్వం తీసుకున్న కీలక నిర్ణయంతో ఇవన్నీ కర్నూలుకు తరలించనున్నట్లు అధికారిక ప్రకటన విడుదలైంది. ఈ విభాగాలన్నింటికి అవసరమైన బిల్డింగ్‌లను ఏర్పాటు చేయాలని ఆర్‌అండ్‌బీ కర్నూలు కలెక్టర్‌కు ఏపీ ప్రభుత్వం ఆదేశాలు జారీ చేసింది. హైకోర్టు అనుమతి లేకుండా ఏ ప్రభుత్వ కార్యాలయాన్ని కూడా తరలించరాదని గతంలో న్యాయస్థానం హెచ్చరించింది. కానీ పరిపాలన సౌలభ్యం కోసం అంటూ ఏపీ ప్రభుత్వం ఈ నిర్ణయం తీసుకుంది. న్యాయ, న్యాయ సంబంధిత కార్యాలయాలన్నింటిని కర్నూలులో పెడతామని ఇప్పటికే ఏపీ ప్రభుత్వం స్పష్టం చేసిన విషయం తెలిసిందే.

శ్రీకాళహస్తి ఆలయంలో కిలాడి లేడీలు

దైవ దర్శనానికి విచ్చేసిన కేరళవాసులు ఆలయంలో స్వామి అమ్మవార్లను దర్శించుకుంటున్న సమయంలో సూళ్లూరుపేట కు చెందిన ఐదు మంది కిలాడి లేడీలుభక్తుల రూపంలో ఆలయంలో పలుచోట్ల సంచరిస్తూ కేరళ వాసుల నగల బ్యాగ్ ను తస్కరించారు దీంతో వెంటనే అప్రమత్తమైన కేరళవాసులు వెంటనే ఆలయ రక్షణ విభాగానికి తెలియజేశారు.రక్షణ విభాగం ఆ కిలాడి లేడి లను అదుపులోకి తీసుకొని ఆ నగల బ్యాగ్ ను స్వాధీనం చేసుకున్నారు

పెంచలరెడ్డిని సన్మానించిన మంత్రి మేకపాటి

నెల్లూరు, జనవరి 31, (రవికిరణాలు) : నెల్లూరు జిల్లాలో జిల్లా అధికారిగా వివిధ హోదాలలో పని చేస్తూ ప్రస్తుతం పరిశ్రమలు వాణిజ్య, ఐటీ శాఖ మంత్రి మేకపాటి గౌతమ్ రెడ్డి దగ్గర ఓఎస్డీ గా పని చేయుచున్న చల్లా పెంచలరెడ్డి నేడు పదవి విరమణ చేయు సందర్భంగా వారిని మంత్రి మేకపాటి గౌతమ్ రెడ్డి సన్మానించారు. ఈ కార్యక్రమంలో ముఖ్యఅతిథిగా చిత్తూరు జిల్లా జాయింట్ కలెక్టర్-2 గా పని చేయుచున్న వి.ఆర్ చంద్రమౌళి పాల్గొన్నారు.

పదవి విరమణ పోలీసు అధికారులకు ఆత్మీయ వీడ్కోలు పలికిన జిల్లా యస్పి

ఎప్పుడైనా, ఎక్కడైనా ఎలాంటి అవసరం వచ్చినా అన్నీ విధాలా సహాయ సహకారాలు అందిస్తా - యస్పి
పదవీ విరమణ రోజే అన్నీ రిటైర్మెంట్ బెన్ఫిట్స్ అందించినందుకు ధన్యవాదాలు
నెల్లూరు, జనవరి 31, (రవికిరణాలు) : శుక్రవారం ఉమేష్ చంద్ర కాన్ఫరెన్స్ హాల్ నందు ఉద్యోగ విరమణ పొందిన పోలీస్ సిబ్బంది మొత్తము ఇద్దరు(1) ఉమెన్ యస్.ఐ. జి.ఉమాదేవి, డిటిసి (2) స్టెనో- వి.జి.క్రిష్ణమూర్తి, డిపిఓలను జిల్లా యస్పి భాస్కర్ భూషణ్ అధికారులు, పోలీసు అసోసియేషన్ సంఘ సభ్యులు, పోలీసు కుటుంబాల సమక్షంలో ఘనముగా సన్మానం చేసి జ్ఞాపికతో మరియు పూలమాలలతో సత్కరించడం జరిగినది.ఈ సందర్భంగా జిల్లా యస్పి మాట్లాడుతూ పదవీ విరమణ చేయుచున్న వారంతా నా తల్లిదండ్రులతో సమానం అని, మనమంతా కూడా ఒకే పోలీసు కుటుంబం అని, పదవీ విరమణ రోజే అన్నీ రిటైర్మెంట్
బెన్ఫిట్స్ అందించాము. మిగిలినవి త్వరలో అందేటట్లు చర్యలు తీసుకుంటామని తెలిపారు. ఈ రోజు పదవీ విరమణ పొందిన అధికారులు అందరూ ఎప్పుడైనా ఎక్కడైనా ఎలాంటి అవసరం వచ్చినా, ఎక్కడ ఉన్నా సరే అన్నీ విధాలా సహాయ సహకారాలు అందిస్తానని జిల్లా యస్పి హామీ ఇచ్చారు. ఈ సందర్భంగా కుటుంబ సభ్యులను ఉద్దేశించి మాట్లాడుతూ ఈ రోజు నుండి వారి తల్లిదండ్రులు దైవసమానులని, వారిని అన్నీ విధాలా ఆదరిస్తూ, ప్రేమతో చూసుకోవాలని తెలుపుతూ పోలీస్ బ్యాండ్ వాయిద్యాల మధ్య స్వయంగా కుటుంబ సభ్యులందరినీ వారి ఇంటి వద్ద క్షేమంగా చేర్చుటకు వాహనాలు ఎక్కించి ఘనంగా వీడ్కోలు పలికారు.ఉద్యోగ విరమణ పొందిన అధికారులకు నెల్లూరు జిల్లా పోలీస్ సిబ్బంది అందరి తరపున ప్రత్యేకమైన ధన్యవాదాలు, శుభాకాంక్షలు అడిషనల్ యస్పి క్రైమ్స్ పి.మనోహర్ రావు, ఏఓ తెలియపర్చినారు. ఈ కార్యక్రమానికి పోలీసు అసోసియేషన్ సంఘ అద్యక్షులు మద్దిపాటి ప్రసాద్ రావు అధ్యక్షత వహించగా, ఆర్‌ఐ వెల్ఫేర్, పదవీ విరమణ పొందుతున్న అధికారుల కొడుకులు-కుమార్తెలు ఉన్నత ఉద్యోగాలలో ఉండడం సంతోషకరమైన విషయమని, వీరి జీవితం ఆనందమయంగా సాగిపోవాలని ఆకాంక్షిస్తూ శుభాకాంక్షలు అందజేశారు.

నేరాలను అరికట్టేందుకు తమ వంతు కృషి చేయాలి

నెల్లూరు, జనవరి 31, (రవికిరణాలు) : పోలీసు శాఖ సిబ్బంది చట్టాల పై పూర్తిస్థాయిలో అవగాహన పెంపొందించుకొని నేరాలను అరికట్టేందుకు తమ వంతు కృషి చేయాలని జిల్లా ప్రధాన న్యాయమూర్తి వెంకట కృష్ణయ్య తెలిపారు. శుక్రవారం ఉదయం స్థానిక పోలీసు పరేడ్ గ్రౌండ్ లోని ఉమేష్ చంద్ర సమావేశ మందిరంలో జరిగిన వార్షిక నేరాల నివేదిక సమీక్షా సమావేశంలో జిల్లా ప్రధాన న్యాయమూర్తి వెంకట కృష్ణయ్య పాల్గొని మాట్లాడుతూ, నేటి ఆధునిక సమాజంలో వివిధ రకాల నేరాలు జరుగుచున్నవని, పోలీసు శాఖ సిబ్బంది పూర్తి స్థాయిలో చట్టాలపై అవగాహన కల్గి, కేసు ప్రొసీజర్‌ను ఖచ్చితంగా అమలు చేసినట్లైతే నేరాలకు పాల్పడిన వారికి తగిన శిక్ష పడటంతో పాటు,బాధితులకు న్యాయం కల్గుతుందన్నారు. నేడు సాంకేతిక పరిజ్ఞానం పెరగడంతో పాటు నేరాల సంఖ్య కూడా గణనీయంగా పెరుగుచున్నవని, దానికనుగుణంగా పోలీసు సిబ్బంది. ఆధునిక సాంకేతిక పరిజ్ఞానంను పెంపొందించుకోవడంతో పాటు నేరాలు జరిగినప్పుడు అవసరం మేరకు ఖచ్చితమైన సాక్ష్యాలు సేకరించి సమర్పించాల్సిన బాధ్యత పోలీసులపై ఉందన్నారు.జిల్లా కలెక్టర్ యం.వి.శేషగిరి బాబు మాట్లాడుతూ, ఎక్కడ నేరం జరిగినా లేదా ఆపద సంభవించినా ప్రజలకు తొలుత గుర్తుకు వచ్చేది. పోలీసులు అని, పోలీసు వ్యవస్థపై ప్రజలకు ఉన్న నమ్మకాన్ని నిలబెట్టాల్సిన బాధ్యత పోలీసు వ్యవస్థపై ఉందన్నారు. ప్రతి పోలీసు అధికారి చట్టాలపై పూర్తి స్థాయిలో అవగాహన కల్గి ఉండటంతో పాటు సమాజంలో స్నేహపూర్వక పోలీసుగా ఉండాలన్నారు. నేరం జరిగినప్పుడు బాధితులకు సత్వరం న్యాయం జరిగేలా పోలీసు శాఖ కృషి చేయాలన్నారు.ఈ సందర్భంగా జిల్లా ఎస్పి భాస్కర భూషణ్, పవర్ పాయింట్ ప్రజెంటేషన్ ద్వారా 2017, 2018 మరియు 2019 సంవత్సరాలలో జిల్లాలో జరిగిన నేరాలపై పోలీసు శాఖ తీసుకున్న చర్యలపై సమగ్రంగా వివరించారు.ఈ సమావేశంలో అడిషనల్ ఎస్పి పి.మనోహర్, జిల్లాలోని పోలీసు శాఖకు చెందిన అధికారులు తదితరులు పాల్గొన్నారు.

మహాకుంభాభిషేక మహోత్సవం గోడపత్రిక ఆవిష్కరణ

నెల్లూరు, జనవరి 31, (రవికిరణాలు) : ఫిబ్రవరి 5వ తేదీ నుంచి శ్రీ రాజ రాజేశ్వరి అమ్మవారి దేవస్థానంలో మహాకుంభాభిషేకం ప్రారంభమవుతుందని రూరల్ ఎమ్మెల్యే కోటంరెడ్డి శ్రీధర్ రెడ్డి విలేఖరుల సమావేశం తెలిపారు. ఈ సందర్భంగా ఆయన మాట్లాడుతూ మహాకుంభాభిషేక మహోత్సవంలో ముఖ్యంగా 7వ తేదీన శ్రీ కంచి కామకోటి పీఠాధిపతులు శ్రీశ్రీశ్రీ శంకర విజయేంద్ర సరస్వతి శంకరాచార్య స్వామి వారి చేతులమీదుగా ఉదయం 8.40గంటలకు మహాకుంభాభిషేకం నిర్వహించబడుతుందని అన్నారు. 23 సంవత్సరముల తరువాత జరుగుతున్నటువంటి మహాకుంభాభిషేకంలో భక్తులందరూ పాల్గొని, అమ్మవారి ఆశీస్సులు తీసుకోవాలని కోరారు. ఎంతో వ్యయప్రయాసలతో, ఎంతో ఖర్చుతో కూడుకున్న ఈ మహాకుంభాభిషేకానికి ముందుకు వచ్చిన వేమిరెడ్డి ప్రభాకర్ రెడ్డి దంపతులకు ఆలయ ట్రస్ట్ బోర్డు సభ్యులపక్షాన, భక్తులపక్షాన రూరల్ ఎమ్మెల్యేగా ప్రత్యేకంగా కోటంరెడ్డి శ్రీధర్ రెడ్డి ధన్యవాదాలు తెలియజేశారు.

కార్పొరేషన్ల సొమ్ములన్ని దారిమళ్లించి, బడుగు బలహీన వర్గాల పొట్టకొట్టిన జగన్ - చేజర్ల

ఎస్సి, ఎస్టి, బిసి మైనారిటీ కార్పొరేషన్ల నిధులను ముఖ్యమంత్రి వైయెస్ జగన్మోహన్ రెడ్డి దారి మళ్లించి బడుగు,బలహీన వర్గాల పొట్టకొట్టేరని కోవూరు తెలుగుదేశం పార్టీ కార్యాలయములో ఏర్పాటు చేసిన పత్రికా విలేఖరుల సమావేశంలో జిల్లా తెలుగుదేశం పార్టీ ప్రధానకార్యదర్శి చేజర్ల వెంకటేశ్వర రెడ్డి అన్నారు. ఈ సందర్భంగా ఆయన మాట్లాడుతూ గతంలో వైఎస్ రాజశేఖర రెడ్డి ముఖ్యమంత్రిగా ఉన్న సమయంలో ఇదేవిధంగా యెస్ సి,యెస్ టి కార్పొరేషన్ నిధులను దారి మళ్ళించి ఆ వర్గాలకు అన్యాయం చేసారని,రాష్ట్రములో 2014 లో తెలుగుదేశం పార్టీ అధికారంలోకి వచ్చిన తరువాత అప్పటివరకూ ఉన్న ఎస్సి, ఎస్టి, బిసి మైనారిటీ, కార్పొరేషన్ లతో పాటు నూతనంగా కాపు, బ్రాహ్మణ, ఆర్యవైశ్య, ఎంబిసి, ఈబిసి కార్పొరేషన్లు ఏర్పాటు చేసి నాలుగు సంవత్సరాల పాటు పెద్ద ఎత్తున సబ్సిడీ రుణాలు అందచేసి ఆ వర్గాల వారిని ఆదుకోవడం జరిగినదని,2018-19 ఆర్ధిక సంవత్సరానికి లబ్ధిదారులను ఎంపిక చేసి నాటి తెలుగుదేశం ప్రభుత్వం బ్యాంకులకు సబ్సిడీ మొత్తాన్నీ కూడా విడుదల చేయగా,ఎన్నికల కోడ్ కారణంగా అవి ఆగిపోగా,ఎన్నికల అనంతరం అధికారంలోకి వచ్చిన జగన్మోహన్ రెడ్డి ప్రభుత్వం బ్యాంకుల విడుదల చేసిన సబ్సిడీని వెన్నక్కు తీసుకొని వేరే పథకాలకు మళ్లించిందని,2019- 20 ఆర్ధిక సంవత్సరానికి సబ్సిడీ రుణాల కొరకు అర్హులైన వారు దరఖాస్తు చేసుకోమని చెప్పి, వారు అనేక వ్యయప్రయాసలకు గురై దరఖాస్తు చేసుకున్న తరువాత ఇంటర్వ్యూ ల తేదీలు ప్రకటించి మరలా వాయిదా వేసి, ఆయా కార్పొరేషన్లకు సంబంధించిన 6వేల కోట్ల రూపాయల
నిధులు వేరే పథకాలకు మళ్లించి ఆయా వర్గాల యువతకు ముఖ్యమంత్రి తీరని అన్యాయం చేసారని,మాటకుముందు ముఖ్యమంత్రి నుండు వారి మంత్రుల వరకు మా ప్రభుత్వం ఎస్సి, ఎస్టి, బిసి, మైనారిటీలను ఉద్దరిస్తున్నామని చేపుతున్నారని,అయితే ఆయా వర్గాలకు సంబంధించిన నిధులను వేరే వాటికి మళ్లించి వారికి ఈ ప్రభుత్వం చేసినంత అన్యాయం ఎవ్వరు చేయలేదని,ముఖ్యమంత్రి కి నిజముగా ఈ వర్గాలపై ప్రేమ ఉంటే ఆయా కార్పొరేషన్ల నుండి మళ్లించిన నిధులు తిరిగి వాటికి ఇచ్చి ఆ కార్పొరేషన్ల ద్వారా సబ్సిడీ రుణాలను ఇవ్వాలని,అదేవిధంగా గత ప్రభుత్వం హయాంలో సూడి గేదల పెంపకం క్రింద 2018-19 సంవత్సరంకు లబ్ధిదారులను ఎంపిక చేసారని అయితే వారికి ఇంత వరకు గేదలు ఇవ్వలేదని, గేదలు ఇవ్వకుండానే రుణాలు చెల్లించమని బ్యాంకుల నుండి లబ్ది దారులకు నోటీసులు ఇస్తున్నారని, అదేవిధంగా ఈ పధకం 2019- 20 సంవత్సరం నిధులను కూడా ప్రభుత్వం దారి మళ్లించి ఆడపడుచులకు కూడా అన్యాయం చేసిందని అన్నారు.ఈ సమావేశంలో తెలుగుదేశం పార్టీ నాయకులు ఏలూరు కృష్ణయ్య,పెనుమల్లి శ్రీహరి రెడ్డి, దారా విజయబాబు, శివును రమణారెడ్డి, కలువాయు చెన్నకృష్ణారెడ్డి, ఉయ్యురు వేణు, పాలపర్తి శ్యాం, అగ్గి మురళి, పూల వెంకటేశ్వర్లు, కలికి సత్యనారాయణ రెడ్డి,బాబు, తదితరులు పాల్గొన్నారు