Ravikiranalu TV

ఆంధ్రప్రదేశ్ శాసన మండలి రద్దు పై నిరసన

ఆంధ్రప్రదేశ్ శాసన మండలిని అప్రజాస్వామికంగా రద్దు చేశారని నగర మాజీ మేయర్ అబ్దుల్ అజీజ్ ఆధ్వర్యంలో నెల్లూరు నగరంలో నిరసన ప్రదర్శన చేపట్టారు.

టోర్నమెంట్‌ని విజయవంతం చేయండి

నెల్లూరు, జనవరి 28, (రవికిరణాలు) : దేవ్‌ గోజుర్యు కరాటే డో ఇంటర్నేషనల్‌ ఇండియా సంస్థ రాష్ట్ర అధ్యక్షుడు రెన్షి ఎన్‌.వెంకటరమణ ఆధ్వర్యంలో ఫిబ్రవరి 16వ తేదిన నెల్లూరులోని ఎసి సుబ్బారెడ్డి స్టేడియంలో 7వ స్థాయి స్టేట్‌ లెవల్‌ కరాటే టోర్నమెంట్‌ నిర్వహించబడుతుందని తెలిపారు. ఈ టోర్నమెంట్‌కి రాష్ట్రంలోని 13 జిల్లాల నుంచి కరాటే విద్యార్ధిని విద్యార్ధులు పాల్గొని ఈ టోర్నమెంట్‌ని విజయవంతం చేయవలసిందిగా కోరుతున్నామన్నారు. ఈ టోర్నమెంట్‌ యెుక్క వివరాల కొరకు 9989847911 నెంబర్‌కు సంప్రదించాలని తెలియజేశారు. ఈ కార్యక్రమంలో దేవ్‌ గోజుర్యు టీమ్‌, తదితరులు పాల్గొన్నారు.

పెళ్లి పత్రిక పంపిస్తే.. శ్రీవారి తలంబ్రాలు

తిరుపతి: తిరుమల తిరుపతి దేవస్థానం వినూత్న కార్యక్రమం చేపట్టింది. కొత్తగా పెళ్లి చేసుకున్న దంపతులకు శ్రీవారికి నిర్వహించే నిత్య కళ్యాణంలో వినియోగించే పవిత్ర తలంబ్రాలను అందజేయాలని నిర్ణయించింది. ఈమేరకు టీటీడీ పీఆర్‌వో ఒక ప్రకటనలో పేర్కొన్నారు. శ్రీవారి ఆశీర్వచనం కావాలనుకునే నూతన దంపతులు కానీ, వారి తల్లిదండ్రులు కానీ పెళ్లి పత్రికను పోస్టు ద్వారా తమకు పంపిస్తే శ్రీవారి పవిత్ర తలంబ్రాలను వారికి పోస్టు ద్వారా ఉచితంగా అందజేస్తామని తెలిపారు.

డిసిసిబి సంఘాల నిర్వహణపై శిక్షణా శిబిరం

నెల్లూరు, జనవరి 28, (రవికిరణాలు) : నెల్లూరు కేంద్ర సహకార బ్యాంకులో జిల్లాలోని సహకార సంఘాల అధ్యక్షులకు అండ్‌ డైరెక్టర్లకు సంఘాల నిర్వహణపై జరిగిన శిక్షణా శిబిరం
లో డిసిసిబి ఛైర్మన్ ఆనం విజయకుమార్ రెడ్డి, డిసిఎమ్‌ఎస్‌ ఛైర్మన్ వీరి చలపతి రావు పాల్గొని సంఘాల అభివృద్ధికి మీ యొక్క అమూల్యమైన సలహాలను, సూచనలను తెలియజేయాలని సభ్యులకు విన్నవించారు. ఈ కార్యక్రమంలో సెంట్రల్ బ్యాంకు సిఈఓ-రమణా
రెడ్డి, ట్రైనీ ప్రిన్సిపాల్ గుర్రప్ప, జిల్లా డైరెక్టర్లు, పిఏసిఎస్‌ అధ్యక్షులు, డైరెక్టర్లు, సిఈఓ లు పాల్గొన్నారు. అనంతరం డిసిఎమ్‌ఎస్‌ ఛైర్మన్ వీరి చలపతిని చిరు సత్కరంతో సన్మానించారు.

వైసీపీ ప్రభుత్వంపై మరోసారి మండిపడ్డ నుడా మాజీ చైర్మన్

నెల్లూరు, జనవరి 28, (రవికిరణాలు) : వైసీపీ ప్రభుత్వంపై మరోసారి నుడా మాజీ చైర్మన్ కోటంరెడ్డి శ్రీనివాసులురెడ్డి మండిపడ్డారు. ఈ సందర్భంగా నెల్లూరు జిల్లా పార్టీ కార్యాలయంలో ఏర్పాటు చేసిన విలేకర్ల సమావేశంలో ఆయన మాట్లాడుతూ ఒక్క అవకాశం అంటూనే రాష్టాన్ని అధోగతిపాలు చేసాడని మండిపడ్డారు.జైలు జీవితం అనుభవించిన జగన్కు ఇంకా ఆ బుద్ధులు
పోవడం లేదని, ఎవడబ్బ సొమ్మని.. ప్రతి శుక్రవారం 60 లక్షల ప్రజాధనాన్ని ఖర్చు చేస్తున్నావ్..? అని ప్రశ్నించారు. వారానికి 60 లక్షలు ఖర్చు చేసే జగన్.. మనకు అవసరమా అనే ఆలోచన రాష్ట్ర యువతలో మొదలైందని విమర్శించారు. రాజన్న రాజ్యమంటూ దోపిడీ రాజ్యాన్ని, ఫ్యాక్షన్ రాజ్యాన్ని తీసుకొచ్చాడని, రాష్ట్ర ప్రజలంటే కసి, కోపం ఉండే ఏకైక ముఖ్యమంత్రిని చూస్తున్నామని దుయ్యబట్టారు.రాజధాని మహిళలను చిత్రహింసలు గురి చేసాడని ఎద్దేవా చేశారు. అమరావతి ఉద్యమాన్ని అణచివేసేందుకు ఎన్ని కోట్లు ఖర్చు పెట్టిందో ప్రభుత్వం శ్వేతపత్రం విడుదల చెయ్యాలని అన్నారు. జగన్ రాయలసీమ బిడ్డ అయితే.. దమ్ము ధైర్యం ఉంటే శాసన మండలి తరహాలోనే శాసన సభను కూడా రద్దు చెయ్యి అని సవాల్‌ విసిరారు. ప్రజాస్వామ్యంలో జగన్ పాలన పిచ్చోడి పాలనలగా ఉందని ఈ సందర్భంగా ఆయన ఎద్దేవా చేశారు.

సి.సి.రోడ్ల నిర్మాణ పనులకు శంకుస్థాపన చేసిన గిరిధర్‌రెడ్డి

నెల్లూరు, జనవరి 27, (రవికిరణాలు) : నెల్లూరు రూరల్ నియోజకవర్గ పరిధిలోని 27వ డివిజన్ జ్యోతి నగర్ 7వ వీధిలో 20లక్షల వ్యయంతో నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి సి.సి.రోడ్ల నిర్మాణ పనులకు శంకుస్థాపన చేసారు. నెల్లూరు రూరల్ నియోజకవర్గానికి 145 కోట్ల రూపాయలతో అభివృద్ధి పనులకు శ్రీకారం చుట్టామని కోటంరెడ్డి గిరిధర్ రెడ్డి అన్నారు. ప్రజా ప్రభుత్వం అధికారంలోకి వచ్చిన తరువాత ప్రజా సమస్యల పరిష్కారం కోసం శక్తికి మించి కృషి చేస్తున్నామని నెల్లూరు రూరల్ ఎమ్మెల్యే కార్యాలయం ఇంఛార్జ్ కోటంరెడ్డి గిరిధర్ రెడ్డి పేర్కొన్నారు.

యస్పి 'స్పందన' కార్యక్రమంనకు పిర్యాదుల వెల్లువ

వృద్దుల రక్షణ, మహిళలు మరియు పిల్లలపై జరిగే నేరాలను అరికట్టే దిశలో చర్యలు- జిల్లా యస్.పి.
రౌడీ షీటర్ లు ఎటువంటి నేరానికైనా పాల్పడితే కఠినంగా వ్యవహరిస్తాం
జిల్లా వ్యాప్తంగా స్పందన కు ఈ రోజు మొత్తం "153" పిర్యాదులు
నెల్లూరు, జనవరి 27, (రవికిరణాలు) : "స్పందన" కార్యక్రమంనకు అందిన పిర్యాదులను నిర్దేశించిన గడువు లోగా పరిష్కరించాలని జిల్లా వ్యాప్తంగా జరుగుతున్న "స్పందనను" వీడియో కాన్ఫరెన్స్ లో జిల్లా యస్పి భాస్కర్ భూషణ్ లైవ్ లో పర్యవేక్షిస్తూ సంబందిత పోలీసు అధికారులకు తగు ఆదేశాలు జారీచేశారు. సోమవారం స్పందన కార్యక్రమం జిల్లా పోలీసు కార్యలయంలో ఉదయం 10.30 గంటల నుండి మధ్యాహ్నం 03.00 గంటల వరకు జిల్లా యస్పి నిర్వహించారు. అన్నీ పోలీసు స్టేషన్ లు, సర్కిల్ మరియు యస్.డి.పి.ఐ. ఆఫీసు లలో జరుగుతున్న స్పందన కార్యక్రమం కూడా జిల్లా యస్పి వీడియో కాన్ఫరెన్స్ ద్వారా వీక్షిస్తూ, వెంటనే వారి సమస్యల పై అక్కడి అధికారులతో లైవ్ లో మాట్లాడుతూ తగిన ఆదేశాలు జారీ చేసినారు.స్పందనకు జిల్లా నలుమూలల నుండి యస్పి స్పందన కార్యక్రమానికి మొత్తం 140 మంది ఫిర్యాదుదారులు హాజరుకాగా, అన్నీ సబ్ డివిజన్ స్థాయిలో మరో 13 ఫిర్యాదులు అందినవి. ఈ రోజు వచ్చిన ఫిర్యాదులలో వరకట్నం వేధింపులు, భార్యా భర్తల గొడవలు, అప్పులు ఇచ్చిన వారికి తిరిగి చెల్లించని కేసులు, వృద్ధ తల్లిదండ్రులను నిర్లక్ష్యం చేస్తున్న సంతానం, మిస్సింగ్ కేసుల అర్జీలు ఎక్కవగా ఉన్నవి. అన్నింటినీ కుణ్ణంగా పరిశీలించిన యస్పి వాటిని సంబంధిత అధికారులకు ఎన్టార్స్ చేయుచూ, గ్రేవ్ కేసులను మరియు హర్ట్ కేసులను ఒక గంటలోపే చట్టపరమైన చర్యలు తీసుకోవాలని, అదేవిధంగా మిస్సింగ్ కేసులను అలసత్వం లేకుండా నిర్దేశించిన గడువు లోగా త్వరితగతిన పరిష్కరించాలని, అంతేకాకుండా రౌడీ షీటర్స్ ఎక్కడైనా దాడులు లేదా ఎటువంటి నేరానికి పాల్పడినా కఠినంగా వ్యవహరించాలని ఆదేశించారు. తల్లిదండ్రులను నిర్లక్ష్యం చేసి, మిస్సింగ్, మహిళల సమస్యలతో వచ్చిన ఫిర్యాదుదారులకు భరోసా కల్పిస్తూ, సంబందిత అధికారులతో వెంటనే
ఫోన్ లో సంభాషించి పరిష్కరించాలని ఆదేశించారు. జిల్లా గవర్నమెంట్ హెడ్ క్వార్టర్ హాస్పిటల్ డ్యూటీ డాక్టర్స్, నర్స్, సిబ్బంది పై దాడులు జరగుకుండా భద్రతా చర్యలు తీసుకోవాలని టౌన్ డియస్పి కి ఆదేశాలు జారీ చేసారు.స్పందన కార్యక్రమానికి యస్పి తో పాటు అడిషనల్ యస్.పి. (క్రైమ్స్) పి.మనోహర్ రావు, నెల్లూరు టౌన్ డియస్పి జె.శ్రీనివాస రెడ్డి, రూరల్ డియస్పి కె.వి.రాఘవ రెడ్డి, యస్.బి. డియస్పి యన్.కోటా రెడ్డి హాజరుగా ఉన్నారు.