Ravikiranalu TV

ఎస్‌ఆర్‌కె స్కూల్ లో సైన్స్ అండ్‌ హెరిటేజ్ ఎక్స్‌పో

నెల్లూరు, జనవరి 23, (రవికిరణాలు) : మాగుంట లే అవుట్‌లో ఉన్న విశ్వసాయి డాక్టర్‌ ఎస్‌ఆర్‌కె స్కూల్ లో జనవరి 25, 26 తేదీలలో సైన్స్ అండ్‌ హెరిటేజ్ ఎక్స్‌పో కార్యక్రమాన్ని నిర్వహించడం జరుగుతుందని విశ్వసాయి ఎడ్యుకేషనల్ సొసైటీ ఛైర్మన్ డాక్టర్‌ ఎన్.సత్యనారాయణ తెలిపారు. శ్రీహరికోట, షార్‌ నుంచి అనేక రాక్లెట్ నమూనాలు, ఆర్యభట్ట నుంచి మార్స్ దాకా శాటిలైట్ నమూనాలు, హైద్రాబాద్ నుంచి అనేక రోబోలు, వివిధ రకాల అలరించే మొక్కలు, మానవ అవయవాలు, సజీవ జంతువులు, ఫిజిక్స్, కెమిస్ట్రీ, గణిత శాస్త్రాలకు సంబంధించిన వర్కింగ్ మోడల్స్, స్కిల్ గేమ్స్, వివిధ రాష్ట్రాల సాంప్రదాయ రీతులు, ప్రార్ధనా స్థలాలు మొ|| ఉంటాయని డైరెక్టర్ కృష్ణ మోహన్ తెలిపారు. ఈ ఎక్స్పో పాఠశాలల, కళాశాలల విద్యార్థులకు ఎంతో ఉపమోగపడుతుందని, అందరు విద్యార్థులు, తల్లితండ్రులు, పాఠశాలల యాజమాన్యాలు ఈ అవకాశాన్ని సద్వినియోగ పరుచుకోవాలని తెలిపారు.

జాతీయ ఓటర్ల దినోత్సవాన్ని ఘనంగా నిర్వహించాలి

- జిల్లా రెవెన్యూ అధికారి జి.మల్లిఖార్జున్ సూచన
నెల్లూరు, జనవరి 23, (రవికిరణాలు) : జనవరి 25వ తేదీన జాతీయ ఓటర్ల దినోత్సవాన్ని ఘనంగా నిర్వహించాలని జిల్లా రెవెన్యూ అధికారి జి.మల్లిఖార్జున్ అధికారులను ఆదేశించారు. గురువారం ఉదయం జిల్లా కలెక్టర్ కార్యాలయంలో జిల్లా రెవెన్యూ అధికారి సమావేశ మందిరంలో జాతీయ ఓటర్ దినోత్సవం నిర్వహణ గురించి డీర్యో సమావేశం నిర్వహించారు. ఈ సందర్భంగా మాట్లాడుతూ ఎన్నికల కమీషన్ ఆదేశాల మేరకు ఈ నెల 25వ తేదీన జిల్లాలో ఓటర్ల దినోత్సవం కార్యక్రమం నిర్వహించాలన్నారు. జనవరి 25వ తేదీన ఉదయం 9 గం. నగరంలోని సర్వోదయా కళాశాల నుంచి కస్తూర్బా కళాక్షేత్రం వరకూ విద్యార్థులతో ర్యాలీ నిర్వహిస్తామన్నారు. అనంతరం ఉదయం 10 గం. కస్తూర్భా కళాక్షేత్రంలో జాతీయ ఓటర్ల దినోత్సవం కార్యక్రమం జరుగుతుందన్నారు.ఈ నెల 24న ఉదయం 11.00 గం. అన్ని ప్రభుత్వ కార్యాలయాల్లోనూ,
పాఠశాలల్లోనూ ప్రతి ఒక్కరూ జాతీయ ఓటర్ల దినోత్సవం సందర్భంగా ప్రతిజ్ఞ చేయడానికి తగిన చర్యలు తీసుకోవాలని అధికారులనుడీఆర్వో ఆదేశించారు. అదేవిధంగా నెల్లూరు జిల్లాలోని అన్ని డివిజన్ కార్యాలయాల్లోనూ ఈ కార్యక్రమం తప్పని సరిగా నిర్వహించాలని సంబంధిత అధికారులకు తెలిపారు.ఈ సమావేశంలో ఆర్డీవో హుస్సేన్ సాహెబ్, వెంకటాచలం మండలం జేకేసీ కళాశాల ప్రిన్సిపల్ దీన దయాళ్, డి.కె.డిగ్రీ కళాశాల ప్రిన్సిపల్ మస్తానయ్య సెట్విన్ సిఈవో యం.సుస్మిత, డి.ఎస్.డబ్ల్యూ.ఓ జీవపుత్ర కుమార్ తో పాటు.. పలువురు అధికారులు పాల్గొన్నారు

ఏబీవీపీ ఆధ్వర్యంలో సుభాష్ చంద్రబోస్ 123వ జయంతి వేడుకలు

నెల్లూరు, జనవరి 23, (రవికిరణాలు) : గురువారం స్థానిక విఆర్సి సెంటర్ దగ్గర్లో ఉన్న ఏబీవీపీ ఆఫీస్లో నేతాజీ సుభాష్ చంద్రబోస్ 123వ జయంతి ఉత్సవాలు ఘనంగా జరుపుకోవడం జరిగింది. ఈ సందర్భంగా ఎబివిపి నాయకులు ఆయన చిత్రపటానికి పూలమాల వేసి స్మరించుకున్నారు.ఈ సందర్భంగా రాష్ట్ర కార్యసమితి సభ్యులు గంగాధర్ మాట్లాడుతూ నేతాజీగా పేరుగాంచిన గొప్ప స్వాతంత్ర్య సమరయోధుడు సుభాష్ చంద్రబోస్ అని కొనియాడారు. అహింసావాదంతో స్వాతంత్రం సాధించలేమని నినదించి ఆలిండియా ఫార్వర్డ్ బ్లాక్ స్థాపించారు. భారత జాతీయ సైన్యం ఏర్పాటు లో రెండో ప్రపంచ యుద్ధం ప్రారంభమైనప్పుడు ఆంగ్లేయుల పై పొరాడేందుకు అజాద్ హింద్ ఫౌజ్ ఏర్పరిచారు అని వ్యాఖ్యానించారు. అతను ఆంగ్లేయుల పై ఒక తూటలాగా దూసుకెళ్లే వారిని ఈ సందర్భంగా ఆయన తెలియజేశారు. గాంధీజీ మొదలైన నాయకులందర అహింసావాదం తోనే స్వరాజ్యం సిద్ధిస్తుందని నమ్మి పోరాటం సాగిస్తుంటే ద్వారా ఆంగ్లేయులను దేశం నుంచి తరిమి కొట్టవచ్చునని నమ్మి అది ఆచరణలో పెట్టిన మహనీయుడు సుభాష్ చంద్రబోస్ అని ఈ సందర్భంగా గుర్తు చేశారు. స్వాతంత్ర పోరాటంలో భాగంగా 11 సార్లు జైలుకు వెళ్లిన సుభాష్ చంద్రబోస్ ఆంగ్లేయుల కబంధహస్తాల నుంచి భారతమాతను రక్షించేందుకు చలో ఢిల్లీ నినాదాలు ఇచ్చారు. ఈ కార్యక్రమంలో జోనల్ ఇంచార్జ్ సాయికృష్ణ, యశ్వంత్, శివ, జీత్ జైన్, జయంత్, మురళీకృష్ణ, మనోహర్ తదితరులు పాల్గొన్నారు.

ఉచితంగా కంటి అద్దములు పంపిణీ చేసిన గిరిధర్‌రెడ్డి

నెల్లూరు, జనవరి 23, (రవికిరణాలు) : గురువారం నెల్లూరు రూరల్ నియోజకవర్గ పరిధిలోని 38వ డివిజన్, శివగిరి కాలనీలో రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి 90 మందికి కంటి అద్దములు ఉచితంగా అందించారు.ఈ సందర్భంగా రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి మాట్లడుతూ అనాదలకు, పేదలకు మనం అండగా నిలిస్తే, ఆ భగవంతుడు మన కుటుంబాలకు అండగా నిలుస్తారన్నారు. రూరల్ నియోజకవర్గంలో పేదలు నివశించే కాలనీలు అనేకం ఉన్నాయని, పేదవాళ్ళందరికి అన్ని రకాల మెరుగైన వైద్యం అందించాలనే ఉద్దేశంతో ఉచితంగా మందులు పంపిణీ చేస్తున్నామని, శస్త్ర చికిత్సలు అవసరమైన వారికి ఉచితంగా ఆపరేషన్లు సైతం చేయిస్తామని అన్నారు. మా సోదరులు రూరల్ శాసనసభ్యులు కోటంరెడ్డి శ్రీధర్ రెడ్డి రూరల్ నియోజకవర్గంలో అనేక మెడికల్ క్యాంప్ లు నిర్వహించడం జరిగిందన్నారు. సామాన్యుడికి వైద్యం అందించాలనే విధంగా ఏర్పాటు చేసిన ఈ కార్యక్రమంలో ప్రతి ఒక్కరికి వైద్యం, మందులు ఉచితంగా పంపిణీ చేయడం జరుగుతుందన్నారు. డివిజన్లలోని నాయకులు ప్రజల సమస్యల పరిష్కారం కోసం కృషి చేయాలని, ప్రజల మధ్యనే ఉండడంతో పాటు, సామాజిక సేవా కార్యక్రమాలు చెయ్యాలని రూరల్ ఎమ్మెల్యే కోటంరెడ్డి గిరిధర్ రెడ్డి పిలుపునిచ్చారు.

ఎంఎస్సీ నర్సింగ్ లో యూనివర్శిటీ స్థాయి 6వ ర్యాంక్ సాధించిన వాణి

పలమనేరు, జనవరి 23, (రవికిరణాలు) : ఎంఎస్సీ నర్సింగ్ మొదటి సంవత్సరం ఫలితాలలో యూనివర్సిటీ స్థాయి 6వ ర్యాంక్ సాధించి అందరి మెప్పును పొందుతున్న వాణిని అభినందించాల్సిందే. రూరల్ మండలంలోని జంగాలపల్లె గ్రామానికి చెందిన సీనియర్ జర్నలిస్ట్ ఎల్ సుబ్రహ్మణ్యం కుమార్తె ఎస్ వాణి ప్రాధమిక పాఠశాల విద్య నుంచి చదువులో అత్యంత ప్రతిభను కనబరుస్తూ ముందుకు సాగుతోంది. గ్రామంలోని ప్రభుత్వ ప్రాధమిక పాఠశాల లో చదివి 6వ తరగతి నుంచి 10వ తరగతి విద్యకు పలమనేరు గురుకుల పాఠశాల ప్రవేశ పరీక్షతో పాటు 10వ తరగతి లోను అత్యధిక మార్కులు సాధించింది.10వ తరగతి మార్కులు ఆధారంగా వాణి మదనపల్లెలో ప్రభుత్వ సహకారం తరపున ఇంటర్ పూర్తి చేసింది.ఇలా ఇంటర్ మార్కులు ఆధారంగానే రాష్ట్రస్థాయి బీఎస్సీ మరియు ఎంఎస్సీ నర్సింగ్ ప్రవేశ పరీక్షలోనూ ప్రతిభ కనబరచడంతో ప్రభుత్వం నెల్లూరు నారాయణ కళాశాలలో సీటు కేటాయించిoది.ఇందులోభాగంగా తాజాగా వెలువడిన ఫలితాలలో 563 మార్కులు సాధించి ఎన్టీఆర్ హెల్త్ యూనివర్సిటీ ద్వారా మొదటి సంవత్సరం 6వ ర్యాంక్ సాధించింది. ఈ
సంధర్భంగా వాణి మాట్లాడుతూ ఎంఎస్సీ నర్సింగ్ కోర్స్ చివరి ఫలితాలలో యూనివర్సిటీ స్థాయిలో మొదటి ర్యాంక్ పొందనునట్టు తన ఆశాభావం వ్యక్తం చేశారు. దళిత వర్గానికి చెందిన ఎల్ సుబ్రహ్మణ్యం కుమార్తె వాణి యూనివర్సిటీ స్థాయిలో ర్యాంక్ సాధించడంతో తోటి జర్నలిస్ట్ లు ఆయనను అభినందించి తమ సంతోషాన్ని వ్యక్తం చేశారు.

ఘనంగా సుభాష్‌ చంద్రబోస్‌ 123వ జయంతి

నెల్లూరు, జనవరి 23, (రవికిరణాలు) : సీమాంధ్ర బిసి సంక్షేమ సంఘం నెల్లూరు జిల్లా కార్యాలయంలో రాష్ట్ర అధ్యక్షులు ఉల్లిపాయల శంకరయ్య ఆధ్వర్యంలో సుభాష్‌ చంద్రబోస్‌ 123వ జయంతి వేడకలను ఘనంగా నిర్వహించారు. పోరాట సమరయోధుడు సుభాష్‌ చంద్రబోస్‌ జయంతిని పురస్కరించుకుని ఆయన చిత్ర పటానికి పూలమాలలు వేసి కేక్‌కట్‌ చేసి సంబరాలు చేసుకున్నారు. ఈ సందర్భంగా ఆయన మాట్లాడుతూ భారతదేశ స్వాతంత్ర్యం కోసం బ్రిటిషువారితో పోరాడిన ధైర్యశాలి ధీరుడు బోస్‌ అని ఆయన పోరాటం ఎనలేనిదని కొనియాడారు. ఈ కార్యక్రమంలో ఎన్‌.మోహన్‌రెడ్డి, ఎన్‌.వి కృష్ణయ్య, కె.జయరామరాజు, కె.దయాకర్‌యాదవ్‌, వి.శంకర్‌, పి.ప్రసన్నకుమార్‌, వంశీ, ఎమ్‌.వెంకట రామరాజు తదితరులు పాల్గొన్నారు.

పులివెందుల పాక్ష్యానిజంను చట్టసభలకు విస్తరింపచేసిన జగన్

మండలి చైర్మన్ ను మతం పేరుతో దూసించిన బొత్సను మంత్రి పదవి నుంచి తొలిగించాలి
మంత్రుల భాష,ప్రవర్తన సభ్యసమాజం తలదించుకొనేవిధంగా ఉంది - చేజర్ల

కోవూరు, జనవరి 23, (రవికిరణాలు) : ముఖ్యమంత్రి వైయెస్ జగన్మోహన్ రెడ్డి పులివెందుల పాక్ష్యానిజంను చట్టసభలకు విస్తరింపచేసారని, అందులో భాగంగానే మండలిలో నిబంధనల ప్రకారం వ్యవహరించిన మండలి చైర్మన్ ఏంఏ షరీఫ్ పై దాడి చేయడానికి మంత్రులు ప్రయత్నించారని కోవూరు తెలుగుదేశం పార్టీ కార్యాలయంలో ఏర్పాటు చేసిన పత్రికా విలేఖరుల సమావేశంలో అన్నారు. ఈ సందర్భంగా ఆయన మాట్లాడుతూ రాష్ట్రంలో మంత్రులు వాడుతున్న భాష,వారి ప్రవర్తన సభ్యసమాజం తలదించుకునేలా ఉందని, వారు మంత్రులో బజారు రౌడీలో అర్ధంకావడము లేదని,వికేంద్రీకరణ పేరుతో రాష్ట్రంలో మూడు రాజధానులు ఏర్పాటు చేయడము కొరకు మండలిలో ప్రభుత్వం ప్రవేశపెట్టిన బిల్లును రాజ్యాంగ నిబంధనలకో లోబడి మండలి చైర్మన్ ఆ బిల్లును సెలక్ట్ కమిటీకి పంపుతూ నిర్ణయం తీసుకొన్న తరువాత మంత్రి బొత్స సత్యనారాయణతో సహా అనేక మంది మంత్రులు ఆయనపై దాడి చేయడానికి ప్రయత్నం చేయడము తో పాటు, ఆయన మతాన్ని కించపరుస్తూ మాట్లాడారని, బొత్స సత్యనారాయణ షరీఫ్ ని నీవు సాయిబ్బులకే పట్టవా అని మాట్లాడినట్లు పత్రికలలో వార్తలు చూశామని, ఇది ఒక్క షరీఫ్ నే అవమానించినట్లు గాదాని,మొత్తం ముస్లిం సమాజాన్నే అవమానించడమేనని,ఒక మతాన్ని కించపరిచేవిధంగా మాట్లాడిన బొత్స సత్యనారాయణ ని వెంటనే మంత్రి పదవి నుంచి తొలగించాలని,అదేవిధముగా మండలిలో మంత్రులు తెలుగుదేశం పార్టీ సభ్యులపై దాడి చేయడానికి ప్రయత్నం చేయడము జరిగినదని, నారా లోకేష్ పై దాడి చేయడానికి మంత్రులు ప్రయతించగా తెలుగుదేశం పార్టీ సభ్యులు కాపాడారని, ఈ ప్రభుత్వం లో ప్రతిపక్ష సభ్యులకు చట్టసభలలోనే రక్షణ లేకుండా పోయిందని కావున గవర్నర్ వెంటనే జోక్యం చేసుకుని నిన్న మొన్న సభల్లో జరిగిన విషయాలు పై విచారించి తగిన చర్యలు తీసుకొని ప్రజాస్వామ్యం ను కాపాడాలని, అదేవిధముగా మంత్రులు అనేక రకాలుగా వత్తిడి చేసినా, బెదిరించినా లెక్క చేయకుండా మండలిలో వికేంద్రీకరణ బిల్లును సెలెక్ట్ కమిటీకి పంపి రాష్ట్రాన్ని రక్షించిన మండలి చైర్మన్ ఏంఏ షరీఫ్ కి తెలుగుదేశం పార్టీ తరుపున అభినందినలు తెలియచేస్తాన్నామని అన్నారు. ఈ సమావేశంలో తెలుగుదేశం పార్టీ నాయకులు ఏలూరు కృష్ణయ్య, కలువాయి చెన్నకృష్ణారెడ్డి, ఇందుపురు మురళీకృష్ణ రెడ్డి, ఒబ్బారెడ్డి మల్లికార్జున రెడ్డి, పాలూరు వెంకటేశ్వర్లు, బుధవరపు శివకుమార్, పూల వెంకటేశ్వర్లు, దువ్వూరు రంగారెడ్డి, అగ్గి మురళి, జానకిరామ్, నారాయణ రెడ్డి, జక్కంరెడ్డి భాస్కర రెడ్డి, అగ్గి శ్రీనివాసులు తదితరులు పాల్గొన్నారు.